კონფორმისტი (ფილმი)

კონფორმისტი (იტალ. Il conformista) — იტალიელი რეჟისორი ბერნარდო ბერტოლუჩის კინოფილმი, გადაღებული 1970 წელს ალბერტო მორავიას ამავე სახელწოდების რომანის (1951) მიხედვით. ფილმში მთავარ როლებს ასრულებენ ჟან-ლუი ტრენტინიანი, სტეფანია სანდრელი და სხვები. ფილმი იყო იტალიური, ფრანგული და გერმანული კინოკომპანიების ერთობლივი ნამუშევარი. ფილმი ფაშისტური მენტალიტეტის ერთგვარი ანალიზია. მთავარი გმირი მარჩელო კლერიცი მთელს ცხოვრებას სხვების გულის მოგებას ახმარს და იტალიის ფაშისტურ პარტიაში შედის, რათა ბრბოს შეერწყას და მისი ნაწილი გახდეს. ბერტოლუჩი თავის ფილმში იყენებს 1930-იანი წლების დეკორს, რომელიც ფაშისტურ მენტალიტეტთან და ერასთან არის ასოცირებული: საშუალო კლასის საცხოვრებელ ბინებსა და მმართველი ელიტის უზარმაზარ დარბაზებს.

ფილმმა კინოკრიტიკოსთა ხოტბა დაიმსახურა. 1971 წელს მას საუკეთესო იტალიური ფილმის წოდება მიენიჭა. თხრობის გართულებული სტრუქტურითა და ნოვატორული კინემატოგრაფიით "კონფორმისტმა" მნიშვნელოვანი გავლენა იქონია მსოფლიო კინემატოგრაფიის განვითარებაზე, გაუხსნა რა გზა ფსიქოლოგიური დრამების ახალ თაობას, როგორიც იყო "ნათლიმამა" (1972) და "აპოკალიფსი დღეს" (1979).

რესურსები ინტერნეტში

• The Conformist (1960) at DBCult Film Institute
• The Conformist at RAI International
• The Conformist film clip at You Tube (scene discussed in documentary Visions of Light)