კოკო-კეი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

კოორდინატები: 25°49′ ჩ. გ. 77°56′ დ. გ. / 25.817° ჩ. გ. 77.933° დ. გ. / 25.817; -77.933

კოკო-კეი მდებარეობა ბაჰამის კუნძულები

Red pog.png
კოკო-კეის მდებარეობა ბაჰამის კუნძულების შემადგენლობაში
კოკო-კეი

კოკო-კეი ან ლიტლ-სტირაპის კეი (ინგლ. Little Stirrup Cay) — მომცრო კუნძული ბერის კუნძულების შემადგენლობაში, ბაჰამის კუნძულების დედაქალაქ ნასაუდან 55 მილით ჩრდილოეთით.[1] აღმოსავლეთიდან დასავლეთის მიმართულებით კუნძულის სიგრძე დაახლოებით ერთი კილომეტრია, ჩრდილოეთიდან-სამხრეთისკენ კი 183 მეტრი. აღმოსავლეთი ნაწილი რეკრეაციული აქტივობის ცენტრია და იშლება მარჯნის აუზში, სადაც ბინადრობენ ლამანტინისებრნი, სკაროსები, ადვილად შესამჩნევია მრავალი სახეობის თევზი. ჩრდილოეთ ნაწილში მდებარეობს მომცრო უბე, სადაც შესაძლებელია დიდი გემების თანმხლები მცირე გემების მიღება. მთლიან კუნძულს კვეთს ბუნებრივი ბილიკები.

კუნძული იჯარით აიღო უმსხვილესმა საკრუიზო კომპანია Royal Caribbean Cruises Ltd-მა[2] და სწორედ ამ კომპანიამ უწოდა ამჟამინდელი სახელი — კოკო-კეი.[3] Royal Caribbean-ი ერთ-ერთი პირველი საკრუიზო კომპანია გახდა, რომელმაც ექსკლუზიური სარგებლობის უფლებით კუნძული იქირავა. ამ უკანასკნელისა და სხვა ცნობილი საკრუიზო კომპანიის გემები ხშირად უშვებენ ღუზას კუნძულის სიახლოვეს, ხმელეთზე კი ხალხი თანმხლებ მომცრო გემებს გადაჰყავს. სტუმრებისათვის შესაძლებელ საქმიანობებს შორისაა ცურვა, წყალქვეშ ცურვა, კაიკინგი, კატერზე გამობმული პარაშუტით ფრენა, დაივინგი, სკუტერით ტალღებზე სრიალი.

ლიტლ-სტირაპის კუნძული წარმოადგენს გრიტ-სტირაპის კუნძულის დანამატს, რომელიც თავის მხრივ კომპანია Norwegian Cruise Line-ის კუთვნილებაშია.

გალერეა[რედაქტირება]

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]

  1. Coco Cay“, Washington Post, January 21, 2007, pp. P10. წაკითხვის თარიღი: 2009-01-17. 
  2. CRUISE LINER CATCHES FIRE, INJURING 18“, Miami Herald, July 31, 1986. წაკითხვის თარიღი: 2009-01-17. 
  3. CRUISING CAYS PRIVATE ISLES GIVE VISITORS A BEACH OF THEIR OWN“, Miami Herald, February 8, 1998. წაკითხვის თარიღი: 2009-01-17.