კლდეკარი (მწვერვალი)

კლდეკარი — მწვერვალი და ხელოვნური კარის მსგავსი გასასვლელი თრიალეთის ქედის თხემზე, მდინარეების თეძმისა და ალგეთის წყალგამყოფზე. მანგლისის ჩრდილოეთ-დასავლეთით 12 კმ-ზე, დაახლოებით 2000 მ სიმაღლეზე. აგებულია შუაეოცენური ანდეზიტებითა და ტუფბრექჩიებით. კლდეკარის მიდამოები შემოსილია ალპიური და შერეული ტყით. კლდეკარის მახლობლად ქედის თხემზე ციხესიმაგრის ნანგრევებია.

ლიტერატურა

• მარუაშვილი ლ., ქართული საბჭოთა ენციკლოპედია, ტ. 5, გვ. 551, თბ., 1980 წელი.