კიანგი

კიანგი (Equus hemionus kiang), კენტჩლიქოსანი ცხოველი ცხენისებრთა ოჯახისა. კანჯარის ქვესახეობა. ტანად დიდი ცხოველია. აქვს მოკლე ფაფარი, წინა კიდურებზე რქოვანი კორძები. ზურგის მხარე და გვერდები მოწითალო-ყავისფერია, მუცელი — მოთეთრო. ბინადრობს ცენტრალური აზიის მთიანეთის უდაბნოში (ქაშმირი, ლადაქი, ტიბეტი), ქმნის მცირერიცხოვან რებას. იკვებება ბალახით. შობს 1 კვიცს. სწრაფად დარბის. ადგილობრივი მოსახლეობა კიანგზე ხორცისა და ტყავისათვის ნადირობს. ძნელად შინაურდება.

ლიტერატურა

• ქსე, ტ. 5, გვ. 501, თბ., 1980