კვერცხსადები
ვიკიპედიიდან, თავისუფალი ქართულენოვანი ენციკლოპედიიდან
კვერცხსადები (ovipositor) — მრავალი მწერისა და ზოგი თევზის კვერცხის დასადები გარეგანი სასქესო ორგანო. მწერების კვერცხსადები წარმოადგენს მუცლის მე-8 და მე-9 სეგმენტის სახეცვლილ კიდურებს. შედგება 3 წყვილი საგდულისაგან, რომელიც ესობა სუბსტრატში და კვერცხი მათ შუა მისრიალებს. ტიპური კვერცხსადები აქვთ კუტკალიებს. კალიების კვერცხსადები უფრო მოკლე და მაგარია. ნემსიყლაპიები კვერცხსადების მეშვეობით კვერცხს მცენარეთა ქსოვილში დებენ, მხედრები კი — სხვა მწერის სხეულში. უმაღლესი სიფრიფანაფრთიანების კვერცხსადები გარდაქმნილია ნესტრად. თევზის კვერცხსადები სახეცვლილი შარდ-სასქესო დვრილია, რომელიც ქვირითობის დროს გაგრძელდება.
ლიტერატურა [რედაქტირება]
- ქართული საბჭოთა ენციკლოპედია, ტ. 5, გვ. 495, თბ., 1980 წელი.
ვიკისაწყობში? არის გვერდი თემაზე:
