კბილანასებრნი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

კბილანასებრნი (ლათ. Anarhichadidae), ზღვის თევზების ოჯახი ქორჭილასნაირთა რიგისა. აქვთ წვრილი ქერცლით დაფარული წაგრძელებული სხეული, მაგარი საკვების დასაქუცმაცებლად მომარკვებული კბილები. ბინადრობენ ატლანტისა და წყნარი ოკეანეების ჩრდილოეთ ნაწილში. კბილანასებრნი აერთიანებენ 2 გვარს: Anarhichthys-ს, რომელიც შეიცავს ერთ სახეობას — გველთევზასებრ კბილანას (Anarhichthys ocellatus), და Anarhychas-ს, რომელიც აერთიანებს 4 სახეობა: შორეულაღმოსავლურ კბილანას (Anarhychas orientalis), ლურჯ კბილანას (Anarhychas minos), ხალებიან ან ჭრელ კბილანას (Anarhychas lupus) და ჩვეულებრივ ანუ ზოლებიან კბილანას (Anarhychas lupus). კბილანასებრნი რეწვის ობიექტია. ხორცს საკვებად იყენებენ, ტყავისაგან ამზადებენ ხელჩანთებსა და სხვა ნაკეთობებს.

ლიტერატურა[რედაქტირება]

  • ქსე, ტ. 5, გვ. 452-453, თბ., 1980