კახოვკის წყალსაცავი

კახოვკის წყალსაცავი
უკრ. Каховське водосховище
კახოვკის წყალსაცავი
კოორდინატები: 47°28′ ჩ. გ. 34°10′ ა. გ.
ქვეყანა	უკრაინა
სიგრძე	230 კმ
სიგანე	25 კმ
ფართობი	2155 კმ²
მოცულობა	18,2 კმ³
უდიდესი სიღრმე	36 მ
საშუალო სიღრმე	8,4 მ
ჩაედინება	დნეპრი
შევსების წელი	1955–1958
მედიაფაილები ვიკისაწყობში

კახოვკის წყალსაცავი (უკრ. Каховське водосховище) — წყალსაცავი მდინარე დნეპრზე, უკრაინის ხერსონის, ზაპოროჟიესა და დნეპროპეტროვსკის ოლქებში. შეიქმნა 1955–58 წლებში კახოვკის ჰიდროკვანძის კაშხლით. ფართობი 2155 კმ², სიგრძე 230 კმ, სიგანე 25 კმ, მაქსიმალური სიღრმე 36 მ. აწესრიგებს სეზონურ და ნაწილობრივ მრვალწლიურ ჩამონადენს. კახოვკის წყალსაცავიდან იწყება ჩრდილოეთ ყირიმის არხი. თევზჭერა. კახოვკის წყალსაცავის ნაპირზეა ქალაქები: ზაპოროჟიე, ნიკოპოლი, ნოვაია-კახოვკა, კახოვკა, ბერისლავი, კამენკა-დნეპროვსკაია.

კაშხლის განადგურება

2023 წლის 6 ივნისს რუსეთის მიერ უკრაინაში შეჭრის მსვლელობისას, მოხდა კახოვკის ჰესის აფეთქება. კაშხლის გარღვევამ გამოიწვია მდინარის ქვემო დინებაზე არსებული დასახლებული პუნქტების დატბორვა. საფრთხის ქვეშ აღმოჩნდა ზაპორიჟიის ატომური ელექტროსადგური, რომელიც შესაძლოა გაგრილების გარეშე დარჩენოდა და ყირიმის წყალმომარაგება.

რესურსები ინტერნეტში

• კახოვკის წყალსაცავი — სტატია დიდი რუსული ენციკლოპედიიდან (რუსული)