კატაბალახასებრნი

კატაბალახასებრნი (Valerianaceae), ორლებნიან მცენარეთა ოჯახი. ბალახები, იშვიათად ბუჩქბალახები და ბუჩქებია. აქვთ მოპირისპირედ განწყობილი მთლიანი ან დანაწევრებული უთანაფოთლო ფოთლები და რთულ ყვავილედებად თავმოყრილი ორსქესიანი ან ერთსქესინი ყვავილები, 4, ზოგჯერ 3—1 მტვრიანა. გინეცეუმი 3 ნაყოფის ფოთლისაგან შედგება, მათგან 2 განუვითარებელია. ნასკვი ქვედაა. ნაყოფს აქვს საფრენი. ოჯახი აერთიანებს 13 გვარის 140 სახეობას, რომლებიც გავრცელებულია ამერიკის, ევრაზიის და აფრიკის ზომიერ სარტყელში. საქართველოში იზრდება 3 გვარის 21 სახეობა. მნიშვნელოვანი გვარებია კატაბალახა, ვალერიანელა და კენტრანტუსი.

ლიტერატურა

• ქსე, ტ. 5, გვ. 430, თბ., 1980