კარრი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
კარული ველი

კარრი (გერმ. Karren) — შიშველი კარსტისათვის დამახასიათებელი ხნულისებრი (დაღარული) მიკრორელიეფი (ღარების სიღრმე რამდენიმე სმ-იდან 1-2 მ-მდე და მეტია). კარრი კირქვის ამოზნექილ ზედაპირს ჭრის, რომელიც საბოლოოდ მოგვაგონებს ბუნებრივ ტროტუარს.[1] ჩნდება კირქვის ან სხვა ხსნადი ქანების ზედაპირზე წვიმის, ლანქერის, იშვიათად ზღვისა და მდინარის წყლის ქიმიური მოქმედებით. ღარები ქმნის რთულად დატოტვილ ლაბირინთს. ხშირად კარრი მოიცავს დიდ ფართობს და კარულ ველს წარმოქმნის.

უმთავრესად კარი წარმოიქმნება ნაპრალებს შორის (ნაპრალოვანი კარი და სხვ.). მკვეთრად ციცაბო კლდოვან ფერდობებზე კარრი არ არის დაკავშირებული ნაპრალებთან. კარრის ცნობილი მაგალითებია: საფრანგეთის ალპები, ჩრდილოეთ ინგლისი (იორკშირი), სტორა-ალვარეტი (კუნძული ელანდი, შვედეთი), ბურენი (ირლანდია) და სხვ.

რესურსები ინტერნეტში[რედაქტირება]

ლიტერატურა[რედაქტირება]

სქოლიო[რედაქტირება]

მოძიებულია „http://ka.wikipedia.org/w/index.php?title=კარრი&oldid=2397496“-დან