კალდიეროს ბრძოლა (1805)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
კალდიეროს ბრძოლა (1805)
ნაპოლეონის ომების ნაწილი
Archduke Charles at Battle of Caldiero.JPG
კარლ ლუდვიგ ავსტრიელი კალდიეროს ბრძოლაში
თარიღი 1805 წლის 30 ოქტომბერი
მდებარეობა კალდიერო, იტალია
შედეგი ფრანგების გამარჯვება
მხარეები
საფრანგეთი ავსტრია
მეთაურები
ანდრე მასენა კარლ ლუდვიგ ავსტრიელი
ძალები
33 ათასი ჯარისკაცი 49 ათასი ჯარისკაცი
დანაკარგები
3 729 9 221

კალდიეროს ბრძოლა — ბრძოლა საფრანგეთის იმპერიასა და ავსტრიის იმპერიას შორის 1805 წლის 30 ოქტომბერს. ფრანგების არმიას ხლმძღვანელობდა ანდრე მასენა. ავსტრიელების არმიას კი კარლ ლუდვიგ ავსტრიელი. საფრანგეთის მხრიდან ბრძოლაში ჩართული იყო 33 ათასი ჯარისკაცი. ავსტრიელების მხრიდან კი 49 ათასი ჯარისკაცი. ბრძოლა გაიმართა ქალაქ კალდიეროსთან, რომელიც მდებარეობს იტალიის ქალაქ ვერონიდან აღმოსავლეთით 15 კილომეტრის მოშორებით.

კალდიეროს ბრძოლა მესამე კოალიციის და ნაპოლეონის ომების ნაწილია.

კარლ ლუდვიგ ავსტრიელის ჯარები ქალაქ კალდიეროში იდგნენ და ჩატარებული ჰქონდა სამხედრო მზადებები ფრანგების დასახვედრად. ავსტრიელთა ძალები დაყოფილნი იყვნენ სამ ნაწილად.

ანდრე მასენამ ბრძოლის წინ შეადგინა საბრძოლო გეგმა და გეგმის საფუძველზე დაზვერა ავსტრიელთა პოზიციები. მას მხარს უჭერდა კავალერია.

მასენა გეგმავდა ერთიანი ძალით შეტევას და უცდიდა ყველა ძალის ჩართვას ბრძოლაში. თუმცა მას დაასწრო კარლმა და შეტევა მიიტანა ფრანგთა ავანგარდზე. ფრანგთა სარდლობა შიშობდა, რომ თუ ავსტრიელები დაიკავებდნენ სიმაღლეებს, ბრძოლა დიდხანს გასტანდა და გეგმის განხორციელებაში ხელს შეუშლიდა. ფრანგებმა ავსტრიელების იერიში მოიგერიეს და კონტრშეტევაზე გადავიდნენ. მათ ხელჩართულ ბრძოლაში მნიშვნელოვანი პოზიციები დაიკავეს. ფრანგებმა ავსტრიელების მოწინავე პოზიცია უკუაგდეს და სოფლებისკენ გააქციეს. ავსტრიელები დამარცხდნენ. ბრძოლაში ორივე მხარემ დიდი დანაკარგი განიცადა.

რესურსები ინტერნეტში[რედაქტირება]