ირემლაღი

ირემლაღი (Cervus dama) — ძუძუმწოვარი ცხოველი ირმისებრთა ოჯახისა. მისი სხეულის სიგრძე 130 სმ აღწევს. მასა 90 კგ. ზაფხულობით ჟანგისფერ-მოწითალოა, თეთრხალებიანი, ზამთრობით ნაცრისფერ-მურა ფერს იღებს. გვხვდება თეთრი ან შავი ირემლაღიც. გავრცელებულია მცირე აზიისა და ჩრდილოეთ-დასავლეთ აფრიკის ტყეებში. კვებება ბალახით, ფოთლებით, სოკოებით, ნაყოფით. შობს 1-2 ნუკრს. მრავალი ქვეყნის პარკებსა და ნაკრძალებში ირემლაღს აშენებენ როგორც დეკორატიულ და სანადირო ცხოველს. ველური ირემლაღი გვხვდება მხოლოდ სამხრეთ ირანში (ისიც რამდენიმე ათეული), სადაც საგანგებოდ იცავენ.

ლიტერატურა

• ავალიანი რ., ქართული საბჭოთა ენციკლოპედია, ტ. 5, გვ. 219, თბ., 1980 წელი.