ირაკლი ოქრუაშვილი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ირაკლი ოქრუაშვილი
ირაკლი ოქრუაშვილი
Flag of Georgia.svg
Greater coat of arms of Georgia.svg
საქართველოს ეკონომიკური განვითარების მინისტრი
თანამდებობაზე ყოფნის დრო
10 ნოემბერი 2006 – 17 ნოემბერი 2006
პრეზიდენტი   მიხეილ სააკაშვილი
პრემიერ-მინისტრი   ზურაბ ნოღაიდელი
წინამორბედი ირაკლი ჩოგოვაძე
მემკვიდრე გიორგი არველაძე

თანამდებობაზე ყოფნის დრო
17 დეკემბერი 2004 – 10 ნოემბერი 2006
პრეზიდენტი მიხეილ სააკაშვილი
პრემიერ-მინისტრი ზურაბ ჟვანია
ზურაბ ნოღაიდელი
წინამორბედი გიორგი ბარამიძე
მემკვიდრე დავით კეზერაშვილი

თანამდებობაზე ყოფნის დრო
მაისი 2004 – 17 დეკემბერი 2004
პრეზიდენტი მიხეილ სააკაშვილი
პრემიერ-მინისტრი ზურაბ ჟვანია
წინამორბედი გიორგი ბარამიძე
მემკვიდრე ივანე მერაბიშვილი

დაბადებული 6 ნოემბერი, 1973
ცხინვალი, სამხრეთ ოსეთი, საქართველოს სსრ
ეროვნება ქართველი
პოლიტიკური პარტია ერთიანი ნაციონალური მოძრაობა
(2002-2007)
მოძრაობა ერთიანი საქართველოსთვის
(2007-2011)
განათლება თბილისის სახელმწიფო უნივერსიტეტი
რელიგია მართლმადიდებელი
ირაკლი ოქრუაშვილი

ირაკლი ოქრუაშვილი (დ. 6 ნოემბერი, 1973, ცხინვალი) — ქართველი პოლიტიკოსი. საქართველოს შინაგან საქმეთა მინისტრი (2004), თავდაცვის მინისტრი (2004-2006), ეკონომიკური განვითარების მინისტრი (2006).

ადრეული წლები[რედაქტირება]

ირაკლი ოქრუაშვილი დაიბადა 1973 წლის 6 ნოემბერს ცხინვალში. 1995 წელს დაამთავრა თბილისის სახელმწიფო უნივერსიტეტის საერთაშორისო სამართლის ფაკულტეტი, რის შემდეგაც, 2000 წლამდე, ეწეოდა საადვოკატო საქმიანობას.

პოლიტიკური კარიერა[რედაქტირება]

2001 წელს დაინიშნა საქართველოს იუსტიციის მინისტრის, მიხეილ სააკაშვილის, მოადგილედ და ამ თანამდებობაზე 2002 წლამდე მუშაობდა.

საქართველოს 2003 წლის საპარლამენტო არჩევნებში დასახელებული იყო გორის მაჟორიტარობის კანდიდატად ერთიანი ნაციონალური მოძრაობიდან და გახდა გორის მაჟორიტარი დეპუტატი საქართველოს პარლამენტში. ირაკლი ოქრუაშვილი აქტიურად მონაწილეობდა 2003 წლის ნოემბერში მომხდარ ვარდების რევოლუციაში, რის შემდეგაც, 2 დეკემბერს, დაინიშნა შიდა ქართლის გუბერნატორად.[1] ამ თანამდებობაზე ოქრუაშვილი 2 თვე მუშაობდა, 2004 წლის 14 იანვარს კი ის საქართველოს გენერალურ პროკურორად დაინიშნა.[2][3]

2004 წლის 7 ივნისს შინაგან საქმეთა მინისტრად დაინიშნა,[4] 16 დეკემბერს კი თავდაცვის მინისტრის პოსტზე გადაინაცვლა.[5][6] ამ პერიოდში ვრცელდებოდა ხმები ოქრუაშვილის შესაძლო დაპირისპირებაზე თავის თანაგუნდელებთან, მათ შორის შინაგან საქმეთა მინისტრ ვანო მერაბიშვილთან. 2005 წელს კონტრაბანდის წინააღმდეგ ბრძოლის გაძლიერების საბაბით შიდა ქართლის რეგიონის პოლიციაში საკადრო ცვლილებები განხორციელდა, რაც ზოგიერთმა გამოცემამ ოქრუაშვილის გავლენის შესუსტებისაკენ მიმართულ კამპანიად ახსნა. თუმცა მთავრობის წევრებმა უარყვეს ეს მოსაზრება.[7][8] მოგვიანებით, 2005 წლის ივლისში, გაზეთ „რეზონანსთან“ ინტერვიუში, ირაკლი ოქრუაშვილი მის წინააღმდეგ აგორებულ ინტრიგებზე საუბრობდა.[9]

2006 წლის 10 ნოემბერს, მთავრობაში ცვლილებების შედეგად, ირაკლი ოქრუაშვილმა თავდაცვის მინისტრის პოსტი დატოვა და ეკონომიკური განვითარების მინისტრი გახდა.[10] პრეზიდენტ სააკაშვილის სიტყვებით, ეს გადაადგილება „განაპირობა იმ ფაქტმა, რომ რუსეთის მთავარი სამიზნე საქართველოს ეკონომიკაზე შეტევაა“. ზოგიერთმა ოპოზიციურმა ძალამ და პოლიტოლოგმა კი ოქრუაშვილის გადაყენება მის მიერ სამხრეთ ოსეთის ტერიტორიაზე კონტროლის აღდგენის ვადების თაობაზე კატეგორიულ განცხადებებს დაუკავშირა.[11][12] 1 კვირის შემდეგ, 17 ნოემბერს, ოქრუაშვილმა ეკონომიკური განვითარების მინისტრის თანამდებობა თავისი სურვილით დატოვა.[13]

2007 წლის 27 სექტემბერს ოქრუაშვილი მის მიერ შექმნილი პარტიის - „ერთიანი საქართველოსთვის“ ოფისში დააკავეს. ექს-მინისტრს თანამდებობის ბოროტად გამოყენება და ფულის გამოძალვაში დასდეს ბრალი.

2007 წელს იძულებით იქნა დეპორტირებული საქართველოდან და ცხოვრობდა საფრანგეთში, სადაც მიიღო პოლიტიკური თავშესაფარი. 2012 წლის 20 ნოემბერს დაბრუნდა საქართველოში და დაპატიმრებული იქნა, რის შემდეგაც გადაყვანილი იქნა გლდანის ციხეში. [14]

2013 წელს ირაკლი ოქრუაშვილი სცნეს პოლიტიკურ დევნილად, სასამართლომ ყველა ბრალდება მოუხსნა და გაათავისუფლეს სასამართლოდან.

სქოლიო[რედაქტირება]

  1. ახალი გუბერნატორები დაინიშნენ. სივილ ჯორჯია, თბილისი / 2 დეკ.'03 / 16:02
  2. სააკაშვილმა გენერალური პროკურორის პოსტზე ირაკლი ოქრუაშვილის კანდიდატურა დაასახელა. სივილ ჯორჯია, თბილისი / 12 იან.'04 / 18:30
  3. პარლამენტმა ახალი გენერალური პროკურორი დაამტკიცა. სივილ ჯორჯია, თბილისი / 15 იან.'04 / 10:15
  4. პარლამენტში მთავრობის ნდობის საკითხი განიხილება. სივილ ჯორჯია, თბილისი / 7 ივნ.'04 / 18:01
  5. სახეცვლილ მთავრობას პარლამენტი დაამტკიცებს. სივილ ჯორჯია, თბილისი / 15 დეკ.'04 / 12:53
  6. სააკაშვილმა თავდაცვის ახალი მინისტრი წარადგინა. სივილ ჯორჯია, თბილისი / 16 დეკ.'04 / 10:57
  7. ქართული პრესა შიდა ქართლის პოლიციაში საკადრო ცვლილებების მიზეზებზე წერს. სივილ ჯორჯია, თბილისი / 14 მარ.'05 / 18:11
  8. მერაბიშვილი ოქრუაშვილთან დაპირისპირებას უარყოფს. სივილ ჯორჯია, თბილისი / 14 მარ.'05 / 19:06
  9. ოქრუაშვილი მის წინააღმდეგ "ინტრიგებზე“ საუბრობს. სივილ ჯორჯია, თბილისი / 11 ივლ.'05 / 19:34
  10. მთავრობაში ცვლილებების შედეგად, ოქრუაშვილი თანამდებობას ტოვებს. სივილ ჯორჯია, თბილისი / 10 ნოე.'06 / 18:12
  11. ირაკლი ოქრუაშვილი თავდაცვის მინისტრის პოსტს ტოვებს. „რადიო თავისუფლება“. 11.11.2006
  12. პრეზიდენტმა მთავრობაში საკადრო ცვლილებების მოტივები ახსნა. სივილ ჯორჯია, თბილისი / 10 ნოე.'06 / 22:15
  13. გავრცელებული ინფორმაციით, ოქრუაშვილმა თანამდებობა დატოვა. სივილ ჯორჯია, თბილისი / 17 ნოე.'06 / 16:58
  14. ირაკლი ოქრუაშვილი საქართველოში ჩამოვიდა. რუსთავი 2, 20.11.12 11:23
პოლიტიკური თანამდებობები
წინამორბედი:
გიორგი ბარამიძე
საქართველოს შინაგან საქმეთა მინისტრი
2004
შემდეგი:
ივანე მერაბიშვილი
წინამორბედი:
გიორგი ბარამიძე
საქართველოს თავდაცვის მინისტრი
2004–2006
შემდეგი:
დავით კეზერაშვილი
წინამორბედი:
ირაკლი ჩოგოვაძე
საქართველოს ეკონომიკური განვითარების მინისტრი
2006
შემდეგი:
გიორგი არველაძე