ინუინაქტუნი

ინუინაქტუნი Inuinnaqtun
გავრცელებულია	კანადა
მოლაპარაკეთა რაოდენობა	4.000
ოფიციალური სტატუსი	კანადა: ნუნავუტის პროვინცია და ჩრდილო-დასავლეთი ტერიტორიები
ლინგვისტური კლასიფიკაცია	ესკიმოსურ-ალეუტური ენები ესკიმოსური ენები ინუინაქტუნი
დამწერლობის სისტემა	ლათინური
ენის კოდები	ISO 639-1: iu ISO 639-2: iku ISO 639-3: ikt, iku

ინუინაქტუნი — ჩრდილოეთ კანადის ადგილობრივი ენა. არ არსებობს ერთიანი მოსაზრება მისი სტატუსის შესახებ. მეცნიერთა ერთი ნაწილი მას ინუკტიტუტის დიალექტად განიხილავს, რადგან ამ ენასთან მჭიდრო ნათესაური კავშირი და მსგავსება აკავშირებს. ნუნავუტისა და ჩრდილო-დასავლეთი ტერიტორიების პროვინციების მთავრობებმა ინუინაქტუნი ინუკტიტუტთან ერთად რეგიონის ოფიციალურ ენად აღიარეს.

ინუინაქტუნზე საუბრობს კიტიკმეოტის რეგიონის მოსახლეობა, განსაკუთრებით კი დასახლებების, კეიმბრიჯ-ბეისა და კუგლუკტუკის მაცხოვრებლები, ასევე იოა-ჰეივენის მოსახლეობა. ინუკტიტუტისაგან განსხვავებით ინუინაქტუნი იწერება არა კანადის ჩრდილოეთში გავრცელებული ადგილობრივი მარცვლოვანი დამწერლობით, არამედ ლათინური ანბანით.