რევაზ ინანიშვილი
| რევაზ ინანიშვილი | |
 |
|
| ფსევდონიმი: | |
|---|---|
| დაბადების თარიღი: | |
| დაბადების ადგილი: | |
| გარდაცვალების თარიღი: | |
| გარდაცვალების ადგილი: | |
| ეროვნება: | |
| საქმიანობა: | |
| პერიოდი : |
1950–1991 |
| თემატიკა: |
ათი მცნების თემატიკა |
| მიმდინარეობა: | |
| Magnum opus: |
„შორი თეთრი მწვერვალი“ , 1976 |
| ჟანრი: | |
| დებიუტი: |
„სახსოვარი“, 1950 |
|
გავლენა მოახდინა
|
|
|
გავლენა მოახდინეს
|
|
რევაზ კონსტანტინეს ძე ინანიშვილი (დ. 20 დეკემბერი, 1926, სოფ. ხაშმი, საგარეჯოს მუნიციპალიტეტი — გ. 26 დეკემბერი, 1991) — ქართველი მწერალი.
სექციების სია |
[რედაქტირება] ბიოგრაფია
რევაზ ინანიშვილი დაიბადა 1926 წლის 20 დეკემბერს, საგარეჯოს მუნიციპალიტეტის სოფელ ხაშმში, მოსამსახურის ოჯახში. მშობლიურ სოფელში ხუთი კლასი დაამთავრა.
1937 წელს ოჯახთან ერთად საცხოვრებლად გადავიდა თბილისში. საშუალო სკოლის დამთავრების შემდეგ, მეორე მსოფლიო ომის წლებში, 1943–45–ში მუშაობდა 31-ე ქარხანაში.შემდეგ სწავლობდა საავიაციო ტექნიკუმში, რომელიც არ დაუმთავრებია.
1947 წელს შევიდა თბილისის სახელმწიფო უნივერსიტეტის ფილოლოგიის ფაკულტეტზე, 1949 წელს სწავლა მიატოვა დის ოჯახის სიდუხჭირი გამო და მუშაობა დაიწყო “სამგორის” არხის მშენებლობაზე.
1951 წელს კვლავ დაუბრუნდა სწავლას და 1956 წელს დაამთავრა თსუ ფილოლოგიის ფაკულტეტი.
1952 წელს დაოჯახდა და ოთხი წელი ცხოვრობდა ლიტერატურული შრომით.
1960 წლიდან მუშაობა დაიწყო საბავშვო გამომცემლობა “ნაკადულში”.
1966 წელს გადავიდა კინოსტუდია “ქართული ფილმის” სასცენარო განყოფილებაში.
1985-1988 წლებში მუშაობდა მწერალთა კავშირის მდივნად.
1989 წლიდან სიცოცხლის ბოლომდე (1991) იყო ჟურნალ ,,დილას" რედაქტორი.
პირველი მოთხრობა „სახსოვარი“ გამოაქვეყნა ალმანახ „პირველ სხივში“ 1950 წელს, ხოლო პირველი კრებული „პირველი მოთხრობები“ – 1953 წელს. მისი ნაწარმოებები თარგმნილია რუსულ, უკრაინულ, გერმანულ, ბულგარულ, სომხურ და სხვა ენებზე.
რევაზ ინანიშვილი გარდაიცვალა 1991 წელს. იგი დაკრძალულია დიდუბის მწერალთა და საზოგადო მოღვაწეთა პანთეონში.
[რედაქტირება] ძირითადი კრებულები
- „მეგობრისადმი მიწერილი წერილებიდან“ (1958)
- „წვეთები ფოთლებზე“ (1962)
- „ცისფერი გორგალი“ (1968)
- „საღამო ხანის ჩანაწერები“ (1971)
- „ბარისკენ მოფრინავს ჯაფარა“ (1974)
- „ჩიტების გამომზამთრებელი“ (1978).
[რედაქტირება] საბავშვო კრებულები
- „ბედნიერი მთა“ (1960)
- „ბობო“ (1964)
- „სად ცხოვრობს მეზღაპრე“ (1970)
- „მგლის ლეკვები“ (1973)
- „შორი თეთრი მწვერვალი“ (1976), რომლითაც 1977 წელს მიიღო შოთა რუსთაველის სახელობის სახელმწიფო პრემია.
[რედაქტირება] სცენარების მიხედვით გადაღებული ფილმები
- „არდადეგები“
- „დაბრუნებული ღიმილი“
- „ვიღაცას ავტობუსზე აგვიანდება“
- „ფერმა მთაში“
- „ზაფხული სოფლად“ („პასტორალი“, თანაავტორი ოთარ იოსელიანი)
- „ნატვრის ხე“ (გიორგი ლეონიძის წიგნის მიხედვით, თანაავტორი თენგიზ აბულაძე)
- „ქვიშანი დარჩებიანო“ (თანაავტორი გ. შენგელაია)
