იზიდორ ჟოფრუა სენტ-ილერი
ვიკიპედიიდან, თავისუფალი ქართულენოვანი ენციკლოპედიიდან
იზიდორ ჟოფრუა სენტ-ილერი (ფრანგ. Isidore Geoffroy Saint-Hilaire; დ. 16 დეკემბერი, 1805, პარიზი — გ. 10 ნოემბერი, 1861, პარიზი) — ფრანგი ზოოლოგი, ეტიენ ჟოფრუა სენტ-ილერის შვილი. პარიზის მეცნიერებათა აკადემიის პრეზიდენტი (1856-57). იზიარებდა მამის მოძღვრებას ევოლუციაზე და ცხოველთა სამყაროს ერთიანობაზე: წამოაყენა ცვალებადობის თეორია სახეობის ფარგლებში. დააარსა ცხოველთა აკლიმატიზაციის საზოგადოება, გამოაქვეყნა მთელი რიგი ნაშრომები ადამიანის ჰერმაფროდიტიზმის შესახებ. მისმა შრომამ ცხოველთა ახალი სახეობების მოშინაურების თაობაზე გამოჩენილ მეცნიერთა (ჩარლზ დარვინი, კ. რულიე, ნ. სევერცოვი) ყურადღება მიიპყრო.
[რედაქტირება] ლიტერატურა
- რ. ჟორდანია, ქართული საბჭოთა ენციკლოპედია, ტ. 8, გვ. 257, თბ., 1984 წელი.
