იან კაპლიცკი

სელფრიჯის უნივერსამი ბირმინგემში.

იან კაპლიცკი (Jan Kaplický [ˈjan ˈkaplɪtskiː]; დ. 18 აპრილი, 1937, პრაღა - გ. 14 იანვარი, 2009, იქვე) — წარმოშობით ჩეხი, ბრიტანელი არქიტექტორი. მისი ყველაზე განთქმული პროექტია ფუტურისტული სელფრიჯის შენობა ბირმინგემში, ინგლისი, და მედია ცენტრი ლორდის კრიკეტის მოედანზე ლონდონში.

კაპლიცკი პრაღის გარეუბანში გაიზარდა. 1956-62 წლებში პრაღის გამოყენებითი ხელოვნებისა და არქიტექტურის კოლეჯში სწავლობდა. 1968 წლამდე კერძო პრაქტიკაში მუშაობდა. პრაღის გაზაფხულის პერიოდში, 1968 წლის სექტემბერში ლონდონში გაიქცა და ბრიტანეთის მოქალაქე გახდა.