თოში
ვიკიპედიიდან, თავისუფალი ქართულენოვანი ენციკლოპედიიდან
თოში (გერმ. Pfannkucheneis) — ფხვიერი ღრუბლოვანი ყინულის ბელტები, რომლებიც ჩნდება წყლის სიღრმეში (სიღრმითი თოში) ან მის ზედაპირზე (ზედაპირული თოში) წყალსატევის გაძგიფვამდე.
წარმოიქმნება წყლის 0°С-ზე დაბლა გადამეტცივების შედეგად გაჩენილი სიღრმული (წყალშიგა ან ფსკერისპირა) ყინულის კრისტალებისა და ძგიფისაგან. თოში დამახასიათებელია მთისა და ჭორომიანი მდინარეებისათვის, იშვიათია ვაკის მდინარეებსა და ტბებზე. დინების შედეგად თოში გროვდება მდინარის კალაპოტში და ჩნდება თოშხერგილი, რის გამოც წყლის დონე მაღლა იწევს, მდინარის სანაპიროები ტბორდება და ძნელდება ჰიდროტექნიკურ ნაგებობათა ექსპლუატაცია.
[რედაქტირება] რესურსები ინტერნეტში
- Definition of pancake ice from the Canadian Ice Service
[რედაქტირება] ლიტერატურა
- ქსე, ტ. 4, გვ. 697, თბ., 1979.
