თენგიზ ონიანი

თენგიზ ონიანი
დაბადების თარიღი	25 ივნისი, 1928
დაბადების ადგილი	სასაში, ლენტეხის რაიონი, საქართველოს სსრ, სსრკ
გარდაცვალების თარიღი	2012
მოქალაქეობა	სსრკ →  საქართველო
განათლება	თბილისის სახელმწიფო უნივერსიტეტი
ეროვნება	ქართველი

თენგიზ ონიანი (დ. 25 ივნისი, 1928, სოფელი სასაში, ლენტეხის რაიონი — გ. 2012) — ქართველი ბიოლოგი.

1954 წელს დაამთავრა თბილისის სახელმწიფო უნივერსიტეტის ბიოლოგიის ფაკულტეტი.

1954-1958 წლებში იყო თბილისის სახელმწიფო უნივერსიტეტის ადამიანისა და ცხოველთა ფიზიოლოგიის კათედრის ასისტენტი. 1958-1962 წლებში ფიზიოლოგიის ინსტიტუტის უმცროსი, 1962-1967 წლებში უფროსი მეცნიერ თანამშრომელი, 1968 წლიდან ლაბორატორიის ხელმძღვანელი, 1975-1980 წლებში დირექტორი. 1980 წლიდან საქართველოს მეცნიერებათა აკადემიის ბიომედიცინის განყოფილების აკადემიკოს–მდივანი. გამოქვეყნებული აქვს 200–მდე სამეცნიერო ნაშრომი, მათ შორის წიგნები: „ნერვ–კუნთოვანი აპარატის შედარებითი ფიზიოლოგია“ (1965), „მემბრანო–მიოფიბრილური ურთიერთობანი კუნთოვან ბოჭკოში“ (1970), „ლიმბრული სისტემის ინტეგრაციული ფუნქცია“ (1976), „მეხსიერების და ძილ–ღვიძილის ციკლის ნეიროფიზიოლოგია“. არის ავტორი მოთხრობების კრებულებისა: „ბეთქილის ბილიკებზე“ (1962), „ბასრა და ბუნჩა“ (1967), „ლაშხეთიდან ზეკარამდე“ (1972), „ჯარაში და აშდარი“ (1975).

საკანდიდატო დისერტაციის თემა — „ნერვ–კუნთოვანი აპარატის შედარებითი ფიზიოლოგიის საკითხები“, დაიცვა 1958 წელს; სადოქტორო დისერტაციის თემა — „მემბრანო–მიოფიბრილური ურთიერთობანი კუნთოვან ბოჭკოში“, დაიცვა 1964 წელს. 1995-1999 წლებში იყო საქართველოს მე-4 მოწვევის პარლამენტის წევრი პარტიული სიით, საარჩევნო ბლოკი „ საქართველოს მოქალაქეთა კავშირი“.

ორგანიზაციის, ასოციაციის ან ჯგუფის წევრი

• „ინტერმოზგ“–ის ასოციაცია, წევრი
• IBRO-ს ასოციაცია, წევრი
• საქართველოს მე–4 მოწვევის პარლამენტი, წევრი (1995-1999)
• უნგრეთის ფიზიოლოგთა საზოგადოება, საპატიო წევრი
• ძილის შემსწავლელი ევროპის ასოციაცია, წევრი
• ძილის შემსწავლელი მსოფლიო ასოციაცია, წევრი

ჯილდოები, პრემიები და პრიზები

• 1965 — ივანე თარხნიშვილის სახელობის პრემია
• 1983 — ივანე ბერიტაშვილის სახელობის პრემია

ბიბლიოგრაფია

• Интегративная функция лимбической системы (ავტორი). - Тбилиси, Мецниереба , 1980. - 298с.
• ლაშხეთიდან ზეკარამდე : ისტ.-ეთნოგრ. მიმოხილვა (ავტორი). - თბილისი, ნაკადული, 1972. - 288გვ.
• Мембрано-миофибриллярное взаимоотношения (ავტორი). - Тбилиси, Мецниереба , 1970. - 145с.
• ბასრა და ბუნჩა : მოთხრობები. უმცროსი სასკოლო ასაკის ბავშვთათვის (ავტორი). - თბილისი, ნაკადული, 1967. - 91გვ.

რესურსები ინტერნეტში

• თენგიზ ონიანი — საქართველოს ბიოგრაფიული ლექსიკონი
• თენგიზ ონიანი — საქართველოს პარლამენტის ოფიციალური საიტი