თამარი (დავით აღმაშენებლის ასული)
ვიკიპედიიდან, თავისუფალი ქართულენოვანი ენციკლოპედიიდან
სტატიის თამარი (გ. 1156) – დავით აღმაშენებლის ასული, შირვანშაჰის მანუჩარ II-ის ცოლყოფილი. დაქვრივების შემდეგ დაბრუნდა სამშობლოში და ააშენა თიღვის ტაძარი, იქვე აღიკვეცა მონაზვნად თომას სახელით. ნიკორწმინდის სულთა მატიანე წერს:
 |
„თამარ თომაი დასა დედოფლისა და მეფისა, მონაზონებისა ზეშთა განბრწყინვებულისა საუკუნოს იყავნ.“
|
დავით აღმაშენებლის ცხოვრებაში ვკითხულობთ:
|
„და მას-ვე წელსა ასული თჳსი კატა გაგზავნა საბერძნეთს სძლად ბერძენთა მეფისად. რამეთუ პირველ ამისსა პირმშო ასული თჳსი თამარი გაეგზავნა დედოფლად შარვანისა, რათა ვითარ-ცა ორნი მნათობნი – ერთი აღმოსავლეთს, ხოლო მეორე დასავლეთს – ცისკროვან ჰყოფდენ სფეროსა, მამისაგანა მიმღებელნი მზეებრთა შარავანდედთანი.[1]“
|
ხოლო ქართლის ცხოვრება კი გვამცნობს:
|
„ამასვე წელსა მეფე დემეტრე მოკუდა და დაი დემეტრესი თამარ, თიღვისა აღმშენებელი, იგიცა შემონაზონებული გარდაიცვალა და დაი მისი კატაი დედოფალი საბერძნეთს გათხოვილ იყო.[2]“
|
