თალუსი

თალუსი, თალომი (ბერძნ. thallos — ტოტი, ამონაყარი, ყლორტი), უმდაბლესი ანუ თალუსოვანი მცენარეების (წყალმცენარეები, სოკოები, მოქსომიცეტები, მღიერები) სხეული, რომელიც არ არის დანაწევრებული ღეროდ და ფოთლად. ზოგიერთ წყალმცენარეს საკმაოდ რთული მორფოლოგიური აგებულება აქვს, მაგრამ ნამდვილი ღერო და ფოთოლი არ გააჩნია. ყველაზე კარგად გამოხატული თალუსი აქვს მღიერებს, რომლებიც თალუსის ფორმის მიხედვით ჯგუფებად იყოფა.

ლიტერატურა

• ქსე, ტ. 4, გვ. 577, თბ., 1979