ვიტ ჯორჯია (საფეხბურთო კლუბი)
 |
|||
| სრული სახელი | საფეხბურთო კლუბი ვიტ ჯორჯია თბილისი | ||
|---|---|---|---|
| მეტსახელი | ვეტერინარები | ||
| დაარსდა | 1968 | ||
| სტადიონი | არმაზი მცხეთა, საქართველო (ტევადობა: 2,000) |
||
| პრეზიდენტი |  გურამ რუხაძე |
||
| მწვრთნელი | ზურაბ ბერიძე |
||
| ლიგა | უმაღლესი ლიგა | ||
| 2010-11 | მე–5 | ||
| ვებსაიტი | ოფიციალური ვებგვერდი | ||
|
|||
ს. კ. ვიტ ჯორჯია — თბილისის საფეხბურთო კლუბი. კლუბის სპონსორია შ.პ.ს. "ვიტ ჯორჯია", რომელიც ცხოველთა საკვების, ვეტერინარული წამლებისა და პრეპარატების იმპორტით არის დაკავებული. გუნდი თამაშობს მცხეთაში, არმაზის სტადიონზე. 2004 წელს ვიტ ჯორჯია საქართველოს ჩემპიონი გახდა და ჩემპიონთა ლიგის საკვალიფიკაციო ეტაპზე გავიდა.ალექსანდრე კვახაძე, გრიგოლ ბედიაშვილი, ლუკა რაზმაძე, ირაკლი კლიმიაშვილი - ვიტ ჯორჯიაში არიან ისეთი ფეხბურთელები, ეროვნულ ნაკრებში რომ იწვევენ, რამდენიმე ვიტჯორჯიელი ახალგაზრდულ ნაკრებშიც თამაშობს.
ბოლო დეკადაში ვიტ ჯორჯია ევროსარბიელზე თითქმის სისტემატურად თამაშობს და მეტწილ შეხვედრებში დაამტკიცა, რომ ევროპის საშუალო დონის გუნდებთან პაექრობა შეუძლია.
Noblesse oblige - ეს ცნობილი, ძველი ფრანგული გამოთქმა არის ვიტ ჯორჯიას სლოგანი, რაც ასე ითარგმნება: ღირსება გვავალდებულებს. სწორედ ეს სლოგანია გამოტანილი კლუბის ლოგოზეც.
სექციების სია |
[რედაქტირება] ისტორია
ვიტ ჯორჯიას საქართველოს ჩემპიონატის უმაღლეს ლიგაში დებიუტი 1997-98 წლების სეზონში ჰქონდა. მალე გუნდი ქვეყნის ერთ-ერთ წამყვან საფეხბურთო კლუბად იქცა.
გუნდი ამჟამინდელ სახელს 1997 წლიდან ატარებს, მანამდე მისი სახელი მორკინალი იყო.
ელიტაში მოხვედრის შემდეგ, გუნდმა მცირე ფინანსური კრიზისი განიცადა, რამაც ვიტელებს ცხრილის ათეულში მოხვედრის საშუალება არ მისცა, თუმცა მომავალ სეზონში უკვე მე-7 საფეხურზე დაასრულეს ჩემპიონატი, კიდევ ერთი სეზონის შემდეგ კი ბრინჯაოს მედლები მოიპოვეს.
მას შემდეგ თბილისელები რეგულარულად მონაწილეობენ უეფა-ს ეგიდით ჩატარებულ ტურნირებში. 2003-04 წლების სეზონზე მოპოვებულმა ჩემპიონობამ კი მათ საშუალება მისცა უეფას ჩემპიონთა ლიგის საკვალიფიკაციო ეტაპზე ეთამაშათ. თავდაპირველად გუნდმა ფარერული ტორსჰავნი დაამარცხა. თუმცა კრაკოვის ვისლასთან ორი მატჩის ჯამში 2:11 წააგო.
ნესტორ მუმლაძის ხელმძღვანელობით უეფას თასზე პირველად გადალახეს პირველი საკვალიფიკაციო ეტაპი, როცა სპარტაკ ტრნავას სძლია. მეორე ეტაპზე ვიტელები ვენის აუსტრიას დაუპირისპირდნენ, მაგრამ იმ დროს საქართველოში განვითარებული აგვისტოს მოვლენების მხოლოდ ერთი მატჩი ჩატარდა – ავსტრიაში, სადაც გამარჯვება მასპინძლებმა იზეიმეს.
უმაღლესი ლიგის 2008-09 წლების სეზონში ვიტ ჯორჯიამ მეორედ მოიპოვა საქართველოს ჩემპიონის ტიტული.თუმცა ჩემპიონთა ლიგის მეორე ეტაპზე,ანუ საიდანაც დაიწყო კლუბმა გამოსვლა,სლოვენიურ მარიბორთან დამარცხდა.
[რედაქტირება] სტადიონი
ვიტ ჯორჯია საშინაო მატჩებს ატარებს მცხეთაში, არმაზის სტადიონზე, თუმცა 2008-09 სეზონისთვის საქართველოს პროფესიულმა ფეხბურთის ლიგამ კლუბებს მოთხოვნები გაუმკაცრა და ვიტ ჯორჯიას არ დართო ამ სტადიონზე თამაშების გამართვის უფლება, რადგანაც იგი ვერ აკმაყოფილებდა პროფლიგის მოთხოვნებს. მას შემდეგ ვიტ ჯორჯია თავის საშინაო მატჩებს გორის თენგიზ ბურჯანაძის სახელობის სტადიონზე ატარებდა. მაგრამ 2011 წელს არმაზის სტადიონს რეკონსტრუქცია ჩაუტარდა და ამჟამად კარგ მდგომარეობაშია. ტრიბუნაზე ძველი ხის სკამების ნაცვლად დამონტაჟდა ახალი ინდივიდუალური სკამები,რის გამოც ტევადობა 3000–დან 2000–მდე შემცირდა, ასევე დაიგო ახალი ხელოვნური საფარი.
[რედაქტირება] ტიტულები
- საქართველოს ჩემპიონი (2): 2004, 2009.
- საქართველოს თასის მფლობელი (1): 2009-10.
- საქართველოს სუპერთასის მფლობელი (1): 2009.
[რედაქტირება] შემადგენლობა 2009/10
 |
სტატიას ან სექციას სჭირდება განახლება გთხოვთ გაანახლეთ იგი და ასახეთ უახლესი მოვლენები. შემდეგ ამოშალეს სტატიიდან ეს თარგი |
2009 წლის 1 აგვისტოსთვის.
|
[რედაქტირება] ვიტ ჯორჯიას ბომბარდირები
| წელი | ფეხბურთელი | ქვეყანა | გოლები |
| 2009-10 | ვახტანგ კვარაცხელია | საქართველო |
12 |
| 2008-09 | ვახტანგ კვარაცხელია | საქართველო |
11 |
| 2007-08 | ნიკოლოზ გელაშვილი | საქართველო |
7 |
| 2006-07 | ზაზა სახოკია | საქართველო |
? |
| 2005-06 | ოთარ მარცვალაძე | საქართველო |
14 |
[რედაქტირება] ვიტ ჯორჯიას მწვრთნელები
|
სტატიას ან სექციას სჭირდება განახლება გთხოვთ გაანახლეთ იგი და ასახეთ უახლესი მოვლენები. შემდეგ ამოშალეს სტატიიდან ეს თარგი |
| პერიოდი | მწვრთნელი | ტიტ. რაოდ. | ტიტული |
|---|---|---|---|
| 2009 — | გელა გომელაური |
||
| 2009 | მერაბ კოჭლაშვილი |
||
| 2005 — 2009 | ნესტორ მუმლაძე |
||
| 2004 — 2005 | მერაბ კოჭლაშვილი |
1 | 1 ჩემპიონატი |
| 2001 — 2003 | ზურაბ ბერიძე |
||
| 2006 — 2006 |  ჯანი კარნივალე |
||
| 1997 — 2001 | სერგო კოტრიკაძე |
[რედაქტირება] ცნობილი ფეხბურთელები
[რედაქტირება] რესურსები ინტერნეტში
|
|||||
