ვიტორიო დე სიკა

ვიტორიო დე სიკა
დაბადების სახელი
დაბადების ადგილი	სორა
დაიბადა	7 ივლისი, 1901
გარდაიცვალა	13 ნოემბერი, 1974 პარიზი
საქმიანობა	კინორეჟისორი
შემოქმედების წლები	1917-1974
აკადემიის ჯილდოები
ოსკარი საუკეთესო უცხოენოვანი ფილმისთვის - 1947, 1949, 1964, 1971
BAFTA ჯილდოები
=ბაფტა საუკეთესო უცხოენოვანი ფილმისთვის 1950 წ.

ვიტორიო დე სიკა (7 ივლისი, 1901 - 13 ნოემბერი, 1974) — იტალიელი ნეორეალისტი კინორეჟისორი და მსახიობი.

დაიბადა სორაში (ლაციო), რომთან, უკიდურესად ხელმოკლე ოჯახში. თეატრალური მსახიობის კარიერა დაიწყო ადრეულ 1920-იანებში. 1923 წელს შეუერთდა ტატიანა პავლოვას თეატრალურ დასს. 1933 წელს საკუთარ სამსახიობო კომპანიას ქმნის მეუღლე ჯუდიტა რისონესა და სერჯიო ტოფანოსთან ერთად. დასი ძირითადად მსუბუქ კომედიებს თამაშობდა, თუმცა გარკვეული პერიოდი ისინი ასევე მუშაობდნენ სახეგანთქმულ რეჟისორთან ლუკინო ვისკონტისთან.

მისი შეხვედრა ცეზარე ძავატინისთან მნიშვნელოვანი მოვლენა იყო: მათ ერთად დაწერეს რამდენიმე შემდგომში ყველაზე განთქმული ნეორეალისტური ხანის ფილმების სცენარები, მათ შორის "ფეხსაცმლის მწმენდავი" (Sciuscià, 1946) და "ველოსიპედების გამტაცებლები" (Ladri di biciclette, 1948). პუბლიკამ ყველაზე უკეთ მიიღო მისი "ქალი ჩოჩარადან" (La Ciociara, 1961): სოფია ლორენმა ამ ფილმში მთავარი როლისთვის ოსკარი დაიმსახურა და კრიტიკოსები მას საყოველთაოდ კლასიკად აღიარებენ.

გარდაიცვალა პარიზში 1974 წლის 13 ნოემბერს.

ჯილდოები

• 1947 - ოსკარი საუკეთესო უცხოენოვანი ფილმისთვის: ფეხსაცმელების მწმენდავი
• 1949 - ოსკარი საუკეთესო უცხოენოვანი ფილმისთვის: ველოსიპედების გამტაცებლები
• 1951 - ოქროს პალმის რტო: სასწაული მილანში
• 1964 - ოსკარი საუკეთესო უცხოენოვანი ფილმისთვის: გუშინ, დღეს, ხვალ
• 1971 - ოსკარი საუკეთესო უცხოენოვანი ფილმისთვის: ფინცი-კონტინის ბაღი