ვილიამსი

მასალა ვიკიპედიიდან — თავისუფალი ენციკლოპედია

ვილიამსი, მსხლის ჯიში. მისი სამშობლოა ინგლისი. საქართველოში შემოიტანეს XIX საუკუნის II ნახევრიდან და ფართოდ გავრცელდა თითქმის ყველა რაიონში. საშუალო სიდიდის ხეა, პირამიდული ვარჯი აქვს. პანტაზე დამყნობილი მე-5-6 წელს იძლევა მოსავალს. რეგულარულად მსხმოიარეა, მკაცრი მეწლეობა არ ახასიათებს. 18-20 წლის ხე საშუალოდ 150კგ მოსავალს იძლევა. ყვავილობს გვიან. ნაყოფი მსხვილია, ღია მწვანე, მწიფე ლიმონისფერი; აქვს მოგრძო ფორმა, ბორცვიანი ზედაპირი, თხელი კანი. რბილობი თეთრია, ძლიერ ნაზი, მდნარი; მუსკატური სურნელება და სასიამოვნო მოტკბო-მომჟავო გემო აქვს. ტრანსპორტაბელურია. დაავადებებს უძლებს.

ლიტერატურა[რედაქტირება | წყაროს რედაქტირება]

  • შარაშენიძე დ., ქსე, ტ. 4, გვ. 410, თბ., 1979