საჭადრაკო ოლიმპიადა 1952

თავისუფალი ქართულენოვანი ენციკლოპედია ვიკიპედიიდან
(გადამისამართდა გვერდიდან ვაჟთა საჭადრაკო ოლიმპიადა 1952)
გადასვლა: ნავიგაცია, ძიება

10 - 31 აგვისტო 1952 ჰელსინკი, ფინეთი

ჰელსინკის ოლიმპიადა ბევრად აღემატებოდა თვის წინამორბედს. ჯერ ერთი ტურნირს დაუბრუნდნენ უნგრელები, ჩეხები და პოლონელები. მეორე და მთავარი: ჰელსინკიში დებიუტი ჰქონდა საბჭოთა მოჭდრაკეებს. ყოველივე ამან დამატებითი ინტრიგა შესძინა ტურნირს. პირველ ეტაპზე განსაკუთრებული არაფერი მომხდარა, თუ არ ჩავთვლით იმას რომ, მესამე ქვეჯგუფში ფინელებმა შესძლეს ჰოლანდიელთა და პოლონელთა მთავარი ფინალის მიღმა დატოვება. ამავე ქვეჯგუფის ბოლო ტურში დიდი ინტერესი გამოიწვია სსრ კავშვრისა და ამერიკის მატჩმა. გუნდებმა თავისი ლიდერები დაასვენეს (სამუელ რეშევსკი და პაულ კერესი) და ისე შეებნენ ერთმანეთს. სმისლოვმა და ბოლესლავსკიმ გამარჯვება მოუტანეს თავის გუნდს.

ფინალურ ტურნირში თავიდან ოლიმპიური ჩემპიონები, იუგოსლავიელი მოჭადრაკეები დაწინაურდნენ. ოთხი ტურის შემდეგ მათ 10,5 ქულა ჰქონდა. საბჭოელებს ამ დროისათვის კი მხოლოდ 7 (და ერთი მატჩით ნაკლები). მეხუთე ტურში ფრედ დამთვრდა იუგოსლავია დამარცხდა არგენტინასთან. საბჭოელებმა კი ვერ შეძლეს ჩეხების დამარცხება. მეექვსე ტურის წინ იუგოსლავიის გუნდს 12 ქულა ჰქონდა , ამერიკელებს და უნგრელებს - 10,5, ჩეხებს - 10 და საბჭოელებს - 9. მეექვსე ტურში გაიმართა ტურნირის ერთ-ერთი ცენტრალური მატჩი: იუგოსლავია - სსრკ. სმისლოვის მოგებას მეორე დაფაზე, ტრიფუნოვიჩმა ასევე მოგებით უპასუხა მესამეზე და გუნდები მშვიდობიანად დასცილდნენ ერთმანეთს. საბჭოთა მოჭადრაკეებს მართლია ერთი მატჩი ჰქონდა თადარიგში, მაგრამ სმი ქულით ჩამორჩენა არც ისე იოლი აღმოსაფხვრელი იყო. მეშვიდე ტურში სხვაობა ლიდერთან ერთი ქულით შემცირდა და ორ ქულამდე დავიდა. ამის აღმოფხვრა უკვე მერვე ტურში შეიძლებოდა გერმანიის ნაკრებთან. ასეც მოხდა. საბჭოელებმა მხოლოდ ნახევარი ქულა დაუთმეს გერმანელებს და ქულანახევრით გაასწრეს იუგოსლავიელებს, რომლებიც ამ ტურში ისვენებდნენ. მეცხრე ტურის წინ სსრ კავშვრის გუნდს 18 ქულა ჰქონდა, აშშ-ს - 17 (და ტურნირი დასრულებული) იუგოსლავიელებს და არგენტინელებს 16,5 ქულა თვითოეულს. ბოლო ტურში საბჭოთა ნაკრებმა შვედები დაამარცხა, 3-1, და დამსახურებულად მოიგო ოლიმპიადა. ასევე სამი ქულა აართვეს სიჩქარეაკრეფილმა არგენტინელებმა (მათ ბოლო ოთხ ტურში 16-დან 12,5 ქულა აიღეს) უნგრელებს, რამაც მათ მეორე ადგილი მოუტანა. იუგოსლავიელებმა მხოლოდ 2,5 ქულა მოაგროვეს ფინელებთნ შეხვედრაში და მესამე ადგილს დასჯერდნენ. ჩეხებმაც მეტად საჭირო სამი ქულა მოიპოვეს გერმანელებთნ შეხვედრაში და ამერიკელები მეხუთე ადგილამდე ჩამოაქვეითეს. საბჭოთა ნაკრების გამარჯვება კანონზომიერი იყო . მართლია კერესის შედეგი პირველ დაფაზე, სრულად არ შეესაბამებოდა მის კლასს, მაგრამ სამაგიეროდ ბრწყინვალედ გაისარჯნენ ვასილი სმისლოვი, დავით ბრონშტეინი, ეფიმ გელერი და ისააკ ბოლესლავსკი. სხვა მოჭადრაკეებიდან აღნიშვნის ღირსია მიგელ ნაიდორფი რომელმაც დამაჯერებლად მოიგო პირველი დაფა.

ტექნიკური შედეგები[რედაქტირება]

მონაწილეობდა 24 ქვეყნის 25 ნაკრები გუნდი (დასავლეთ გერმანია ორი გუნდით იყო წარმოდგენილი, გერმანია და საარი ). ტურნირი ჩატარდა ორ ეტაპად. პირველ ეტაპზე გუნდები სამ ქვეჯგუფში არკვევდნენ ფინალისტთა ვინაობას. ქვეჯგუფებში პირველ-მესამე ადგილებზე გასული გუნდები თამაშობდნენ მთავარ ფინალში (I - IX ადგილები). დანარჩენები B და C ფინალურ ტურნირებში იბრძოდნენ X-XVIII და XIX-XXV ადგილებისათვის. ორივე ეტაპზე ტურნირი ჩატარდა წრიული სისტემით.

პირველი ეტაპი

მეორე ეტაპი

  • XIX - XXV ადგილები

19.დროშა: ბრაზილია ბრაზილია - 18,5 20.საბერძნეთის დროშა საბერძნეთი- 13,5 21.დროშა: ნორვეგია ნორვეგია - 13 22.დროშა: შვეიცარია შვეიცარია - 13 23.ისლანდიის დროშა ისლანდია- 12,5 24.დროშა: გერმანია გერმანია(საარი) - 12,5 25. ლუქსემბურგის დროშა ლუქსემბურგი - 1


  • X - XVIII ადგილები

10.დროშა: ნიდერლანდები ნიდერლანდი - 21 11.ისრაელის დროშა ისრაელი - 19,5 12.დროშა: პოლონეთი პოლონეთი - 16,5 13.გერმანიის დემოკრატიული რესპუბლიკის დროშა გერმანიის დემოკრატიული რესპუბლიკა - 16,5 14.დროშა: დანია დანია - 16 15.დროშა: კუბა კუბა - 15 16.დროშა: ინგლისი ინგლისი - 14 17.დროშა: ავსტრია ავსტრია - 13 18.იტალიის დროშა იტალია - 12,5

I - XVI ადგილები

ჩემპიონის და პრიზიორების შემადგენლობა და შედეგები[რედაქტირება]

პაულ კერესი 6,5 (+3=7-2), ვასილი სმისლოვი 10,5 (+8=5-0), დავიდ ბრონშტეინი 8 (+7=2-1), ეფიმ გელერი 10,5 (+8=5-1), ისააკ ბოლესლავსკი 7 (+6=2-0), ალექსანდრე კოტოვი 2 (+1=2-0)

მიგელ ნაიდორფი 12,5 (+11=3-2), ხულიო ბოლბოჩანი 9 (+4=10-0), ერიკ ელისკაზესი 6 (+4=4-2), ჰერმან პილნიკი 9,5 (+6=7-1), ნესტორ დეკიუ როსეტო 8 (+8=0-2)

სვეტოზარ გლიგორიჩი 9,5 (+6=7-2), ბრასლავ რაბარი 8 (+5=6-1), პეტარ ტრიფუნოვიჩი 7 (+3=8-2), ვასია პირცი 5,5 (+2=7-1), ანდრია ფუდერერი 3,5 (+2=3-0), ბორისლავ მილიჩი 4 (+3=2-0)

საუკეთესო შედეგები დაფების მიხედვით[რედაქტირება]

შენიშვნა: საუკეთესოები ვლინდებოდა მხოლოდ ფინალური (I-XVI ადგილები) ტურნირის მიხედვით

პირველი დაფა ქვეყანა %
მიგელ ნაიდორფი დროშა: არგენტინა არგენტინა 12,5 16 78,1
გედეონ შტალბერგი დროშა: შვედეთი შვედეთი 10 13 76,9
ლასლო საბო უნგრეთის დროშა უნგრეთი 10,5 14 75,0
მეორე დაფა ქვეყანა %
ვასილი სმისლოვი დროშა: სსრკ სსრკ 10,5 13 70,8
ლოთარ შმიდტი დროშა: გერმანია გერმანია 9 12 75,0
ბრასლავ რაბარი დროშა: იუგოსლავიის სოციალისტური ფედერაციული რესპუბლიკა იუგოსლავია 8 12 66,7
მესამე დაფა ქვეყანა %
დავიდ ბრონშტეინი დროშა: სსრკ სსრკ 8 10 80,0
იან დონერი დროშა: ნიდერლანდები ნიდერლანდი 10 13 76,9
რობერტ ბირნი დროშა: ამერიკის შეერთებული შტატები აშშ 10,5 15 70,0
მეოთხე დაფა ქვეყანა %
ჟენეკ კოტნაუერი დროშა: ჩეხოსლოვაკია ჩეხოსლოვაკია 12,5 15 83,3,9
ეფიმ გელერი დროშა: სსრკ სსრკ 10,5 14 75,0
ბოგდან სლივა დროშა: პოლონეთი პოლონეთი 9 12 75,0
პირველი სათადარიგო დაფა ქვეყანა %
ნესტორ დეკიუ როსეტო დროშა: არგენტინა არგენტინა 8 10 80,0
დენის მორტონ ჰორნი დროშა: ინგლისი ინგლისი 5,5 9 61,1
ვილფრიდ ლანგე დროშა: გერმანია გერმანია 5 9 50,0
მეორე სათადარიგო დაფა ქვეყანა %
ლუდვიგ რელშტაბი დროშა: არგენტინა არგენტინა 6,5 9 72,2
ისააკ გრუნფელდი დროშა: ინგლისი ინგლისი 7 10 70,0

შენიშვნა: მესამე ადგილი მეორე სათადარიგო დაფაზე არ გათამაშებულა , ვინაიდან დანარჩენ მოჭადრაკეებს არ ჰქონდა ნათამაშები პარტიების 50%-ზე მეტი რაოდენობა.

ლიტერატურა[რედაქტირება]

  • Ю.Авербах, Б.Туров Шахматные олимпиады. Москва. изд. ,,ФиС’’ 1974
  • Шахматы. Энциклопедический словарь. Москва. изд. ,,Советская Энциклопедия’’ 1990
  • Шахматная Энциклопедия. Москва. 2004.
  • Ханамирян Г. Всемирные шахматные Олимпиады. 1927-2006. Ереван: 2006

რესურსები ინტერნეტში[რედაქტირება]