ვაალი

ვაალი
დახასიათება
სიგრძე	84 კმ
სათავე
კოორდინატები	51.891667,5.52083351°53′30″ ჩ. გ. 5°31′15″ ა. გ.
ქვეყნები	ნიდერლანდი

ვაალი (ნიდერლ. Waal) — მდინარე ნიდერლანდებში. რაინის დელტაში არსებული ტოტი. სიგრძე 84 კმ. წარმოადგენს ერთ-ერთ მთავარ სანაოსნო გზას, რომელიც აკავშირებს ქალაქ როტერდამს გერმანიასთან. ვაალი რაინის ქვემო დინების ტოტია, რომელზედაც მოდის მდინარის საერთო ჩამონადენის 65%. მისი ცალკეული მონაკვეთები აღინიშნება განსხვავებული სახელით, მაგ., ჰოლანდს-დიპი, აუდე-მაასი. რაინი ნიდერლანდებში შემოსვლისას 2 ნაწილად იყოფა — საკუთრივ ვაალად და ნიდერ-რაინად. ნეიმეგენის სიახლოვეს ვაალი უერთდება მაას-ვაალის არხს, ხოლო ტილთან ვაალს გამოეყოფა ამსტერდამ-რაინის არხი. ვუდრიჰემის სიახლოვეს მდინარე ერწყმის აფგედამდე-მაასს, რის შედეგადაც წარმოიქმნება ბოვენ-მერვედე. ზალტბომელთან ვაალის გასწვრივ გაშენებულია სარკინიგზო და საავტომობილო ხიდები. მდინარის წყალი სისუფთავით არ გამოირჩევა. მასში აღმოჩენილია რიგი პათოგენები.

იხილეთ აგრეთვე

• ნიდერლანდის მდინარეების სია

რესურსები ინტერნეტში

• მდინარე ვაალი (ნიდერლანდური)