ეროსი მანჯგალაძე

ეროსი მანჯგალაძე
დაბადების სახელი	ეროსი მანჯგალაძე
დაბადების ადგილი	თბილისი
დაიბადა	3 მარტი, 1925
გარდაიცვალა	26 იანვარი, 1982 თბილისი
საქმიანობა	მსახიობი

ეროსი აკაკის ძე მანჯგალაძე (დ. 3 მარტი 1925, თბილისი — გ. 26 იანვარი, 1982, თბილისი) — ქართველი მსახიობი და სპორტული კომენტატორი. საქართველოს სახალხო არტისტი (1961). სკკპ წევრი 1957 წლიდან.

ბიოგრაფია

ეროსი მანჯგალაძე დაიბადა 1925 წლის 3 მარტს. 1947 წელს დაამთავრა შოთა რუსთაველის სახელობის სახელმწიფო თეატრალური ინსტიტუტი პედაგოგ დ. ალექსიძის ხელმძღვანელობით. მუშაობდა კოსტა ხეთაგუროვის სახელობის ცხინვალის თეატრში. სამსახიობო კარიერა დაიწყო 1948 წელს შოთა რუსთაველის სახელობის აკადემიურ თეატრში, კინო კარიერა — 1958 წლიდან.

სახელი გაითქვა როგორც მსახიობმა, ასევე როგორც რადიოსა და ტელევიზიის დიქტორმა და კომენტატორმა. იყო ქართული სპორტული რეპორტაჟების პიონერი. პრინციპულად მიჰყავდა მხოლოდ ფეხბურთის გადაცემები.

მის სახელს ატარებს სპორტული სტადიონი სამტრედიაში.

რესურსები ინტერნეტში

• ეროსი მანჯგალაძე, geocinema.ge
• ეროსი მანჯგალაძე
• (ინგლისური) ეროსი მანჯგალაძე — კინოფილმების ინტერნეტ მონაცემთა ბაზაში

ლიტერატურა

• გვათუა ი., ქართული საბჭოთა ენციკლოპედია, ტ. 6, გვ. 422, თბ., 1983 წელი.