ერნსტ აბე

ერნსტ აბე

ერნსტ აბე (გერმ. Ernst Karl Abbe; დ. 23 იანვარი, 1840, აიზენახი — გ. 14 იანვარი, 1905, იენა), გერმანელი ფიზიკოს-ოპტიკოსი, მიკროსკოპში გამოსახულების წარმოქმნის თეორიის ავტორი. 1870-იდან თეორიული ფიზიკის პროფესორი იენაში, 1877-90 იენის ობსერვატორიის დირექტორი. მიკროსკოპების კონსტრუქციის მეცნიერული საფუძვლების კვლევის მიზნით 1863 მუშაობდა კ. ცაისის ოპტიკის სახელოსნოებში. აბეს მიკროსკოპის თეორია (1872) ამ რთული ამოცანის გადაწყვეტის პირველი მეცნიერული ცდაა. 1870 დაადგინა ე. წ. სინუსების კანონი, რომელსაც ფართოდ იყენებენ ოპტიკურ გამოთვლებში.

მეხსიერება

ოპტიკაში აბეს სახელს ატარებენ:

• აბეს პრიზმა
• აბეს რეფრაქტომეტრი
• აბეს რიცხვი

მთვარეზე აბეს პატივსაცემად არსებობს კრატერი

ლიტერატურა

• ქსე, ტ. 1, გვ. 24, თბ., 1975