ეპოქა (გეოლოგია)

ეპოქა — დედამიწისა და მისი ორგანული სამყაროს ბუნებრივი განვითარების ერთ-ერთი ეტაპი. ეპოქა წარმოადგენს გეოლოგიური პერიოდის ნაწილს და იყოფა საუკუნეებად. ეპოქის განმავლობაში წარმოქმნილი ქანები ერთიანდება სექციაში. ეპოქების აბსოლუტური ხანგრძლივობა სხვადასხვაა: პალეოზოური ერის დასაწყისში დაახლოებით 30 მლნ. წელს უდრის, მეზოზოურ ერაში — 10-20, პალეოგენსა და ნეოგენში — 10 მლნ. წელს.

იხილეთ აგრეთვე

• გეოლოგიური წელთაღრიცხვა

ლიტერატურა

• ქართული საბჭოთა ენციკლოპედია, ტ. 4, გვ. 171, თბ., 1979 წელი.