ელენა სატინი
| ელენა სატინი | |
|---|---|
.jpg) | |
| დაბადების სახელი | ელენა სხირტლაძე |
| დაბადების თარიღი |
24 ნოემბერი, 1987 თბილისი, საქართველოს სსრ, სსრკ |
ელენა სატინი-სხირტლაძე (დ. 24 ნოემბერი, 1987, თბილისი) ― ქართველი მსახიობი, რომელიც ჰოლივუდის ამომავალ ვარსკვლავად მიიჩნევა. დაიბადა თბილისში, მოგვიანებით სოჭში გადავიდა საცხოვრებლად, სადაც დაამთავრა საშუალო და მუსიკალური სკოლები.
ბიოგრაფია[რედაქტირება | წყაროს რედაქტირება]
ბავშვობიდან ვოკალით იყო გატაცებული, ასევე პროფესიონალურად ეუფლებოდა ფორტეპიანოს. მონაწილეობდა საესტრადო-სპორტული ცეკვის კოლექტივში „იმპერიალი". საკონცერტო კარიერა 6 წლისამ დაიწყო. ამავე ასაკში მოხვდა მაშინდელ პოპულარულ საბავშვო რუსულ პროექტში „უტრენნაია ზვეზდა“ . 11 წლისამ უკვე აქტიურად დადიოდა გასტროლებზე, როგორც მოცეკვავე. 9 წლიდან კი კინოშიც თამაშობს. ამ ასაკში ის საერთაშორისო ფილმების ფესტივალ „კინოტავრის“ ყველაზე ახალგაზრდა მონაწილეც იყო.
მოგვიანებით დედასთან – მწერალ მარინა სილაგაძესთან ერთად საცხოვრებლად აშშ-ში გადავიდა. იქვე დაამთავრა პროფესიონალური სამსახიობო სკოლა, ასევე გაიარა სამსახიობო კურსები დიდ ბრიტანეთსა და მოსკოვში. ამის შემდეგ ლოს-ანჯელესში მოხვდა, სადაც 2003 წელს ითამაშა პირველ ფილმში, სერიალში „დეტექტივი რაში“ . დღემდე შვიდ კინოფილმში, ასევე რამდენიმე სერიალსა და თეატრალურ დადგმაში აქვს მონაწილეობა მიღებული. მათ შორის არის მიუზიკლი „ჩიკაგო“ , სადაც მისი მუსიკალური მონაცემები შესანიშნავად გამოჩნდა.