დინ კეინი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დინ კეინი
Dean Cain
Dean Cain.jpg
დინ კეინი (2005 წლის 13 მაისი)
დაბ. სახელი დინ ჯორჯ ტანაკა
დაბ. ადგილი მაუნტ-კლემენსი, მიჩიგანი, აშშ
დაბ. თარიღი 31 ივლისი 1966
საქმიანობა მსახიობი
პროდიუსერი
რეჟისორი
მწერალი
წლები 1976–დღემდე

დინ კეინი (ინგლ. Dean Cain; დ. 31 ივლისი 1966, მაუნტ-კლემენსი, მიჩიგანი) — ამერიკელი კინომსახიობი. ყველაზე დიდი პოპულარობა მოუპოვა ტელესერიალმა „სუპერმენი“, სადაც კლარკ კენტის სახე განასახიერა.

ბიოგრაფია[რედაქტირება]

დინ კეინი დაიბადა 1966 წლის 31 ივლისს მიჩიგანის შტატის ერთ-ერთ ქალაქში, მსახიობ შარონ ტომასისა და ამერიკელი ჯარისკაცის როჯერ ტანაკას ოჯახში. მომავალი მსახიობის მშობლები ბავშვის დაბადებამდე გაშორდნენ ერთმანეთს. მის ძარღვებში ჩქეფს იაპონური, ფრანკოკანადური, ირლანდიური და ვალიური სისხლი[1]. 1969 წელს დედამისი ცოლად გაყვა კრისტოფერ კეინს, რომელიც პროფესიით რეჟისორი იყო. კრისტოფერ კეინმა იშვილა მომავალი მსახიობი და მისი ძმა. შემდგომ ოჯახი საცხოვრებლად გადადის მალიბუში (კალიფორნია). სკოლის პერიოდში დინ კეინი აქტიურად იყო დაკავებული სპორტით. თამაშობდა სკოლის ერთ-ერთ ბეისბოლის გუნდში რობერტ ლოუსა და ჩარლი შინთან ერთად, რომლებიც ამასთანავე დინ კეინის თანაკლასელები იყვნენ. სკოლა კეინმა 1984 წელს დაამთავრა, რის შემდეგ სხვადასხვა უნივერსიტეტებში შესთავაზეს სასპორტო სტიპენდიები. მან პრისტონის უნივერსიტეტი აირჩია. პრისტრონში სწავლის დროს იგი ამერიკელ სუპერმოდელსა და მსახიობ ბრუკ შილდს ხვდებოდა. პრისტონი კეინმა 1988 წელს დაამთავრა.

სასწავლებლის დამთავრების შემდეგ კონტრაქტი გააფორმა ეროვნული საფეხბურთო ლიგის გუნდთან Buffalo Bills-სთან. თუმცა სულ მალე მან ფეხის ტრავმა მიიღო, რამაც ხელი ააღებინა სპორტულ კარიერაზე. თავდაპირველად იგი სცენარებს წერდა, შემდეგ ტელევიზიაში ჩნდებოდა, სადაც ხშირად იღებდნენ რეკლამებში და პოპულარულ სატელივიზიო შოუებში. 1993 წელს კეინმა მიიღო თავის მთავარი როლი ტელესერიალში „სუპერმენი“, რომლის გადაღება საბოლოოდ 1997 წელს დამთავრდა. 1998 წელს კეინმა გახსნა საპროდიუსერო კომპანია Angry Dragon Entertainment, რომელიც პროდიუსირებას უწევდა არაერთ ტელესერიალს. კეინმა მონაწილეობა მიიღო კინოფილმებში: „დროის გარეშე“, „შეუკავებელი“, „ტკივილის წრე“, „აგვისტოს 5 დღე“ და სხვ.

ამპლუა: დრამა, კომედია, თრილერი.

ფილმოგრაფია[რედაქტირება]

წელი ქართული სახელი ორიგინალი როლი
1998 მომავალი სპორტსმენი Futuresport
2001 ცხოველების საშობაო თავგადასავალი A Christmas Adventure from a Book Called Wisely's Tales
2001 ვირთხების რბოლა Rat Race
2002 მიკარგული აკლდამა Rag And Bone
2003 დროის გარეშე Out of Time
2004 აპოკალიფსისის შემდეგ Post Impact
2006 საშობაო ჯვრისწერა A Christmas Wedding
2007 ბოლო გასვლა Final Approach
2008 ხუთი დოლარი დღეში $5 a Day
2010 ძიძა საშობაოდ A Nanny for Christmas
2010 შეუკავებელი Abandoned
2010 ტკივილის წრე Circle of Pain
2011 აგვისტოს 5 დღე 5 Days of August

რესურსები ინტერნეტში[რედაქტირება]

სქოლიო[რედაქტირება]