დივიზიონიზმი

კვირადღე კუნძულ გრან-ჟატზე

ჟორჟ სერა, 1884-1886

ზეთი ტილოზე

207,6 308 სმ

ჩიკაგოს ხელოვნების ინსტიტუტი

დივიზიონიზმი (ფრანგ. division - დაყოფა, დანაწევრება), ნეოიმპრესიონიზმისათვის დამახასიათებელი ფერწერული სისტემა, რომელიც დაამუშავეს ფრანგმა ფერმწერებმა ჟ. სერამ და პ. სინიაკმა. ეფუძნება ცალკეული მონასმების საშუალებით რთული ფერადი ტონის დანაწევრებას სუფთა ფერებად, რაც ითვალისწინებს აღქმის მომენტში ოპტიკურ გამთლიანებას. ამ სისტემას იყენებენ ა. ე. ლროსი და ნაწილობრივ კ. პისარო (საფრანგეთი), ჯ. სეგანტინი (იტალია), ტ. ვან რეისელბერგე (ბელგია), ი. გრაბარი (რუსეთი, ზოგიერთ ნამუშევარში), ქართველ მხატვართაგან რ. თურქია, ე. კალანდაძე, ზ. ნიჟარაძე, ე. ბერძენიშვილი (ადრინდელ ნამუშევრებში).

იხილეთ აგრეთვე

• პუანტილიზმი

ლიტერატურა

• ქსე, ტ. 3, გვ. 547, თბ., 1978