დიდი სქიზმა
ვიკიპედიიდან, თავისუფალი ქართულენოვანი ენციკლოპედიიდან
დიდი სქიზმა — საეკლესიო განხეთქილება, რომელმაც ქრისტიანული სამყარო ორ ნაწილად - მართლმადიდებლებად და კათოლიკეებად გაჰყო. განყოფის თარიღად პირობითად მიჩნეულია 1054 წელი, თუმცა ეს მოვლენა სათავეს გაცილებით ადრეული პერიოდიდან იღებს.
1054 წელი [რედაქტირება]
1054 წლის ზაფხულის დღეს კონსტანტინეპოლის წმ. სოფიის ტაძარში მსახურების დაწყების წინ კარდინალი ჰუმბერტი პაპის ორი ლეგატის თანხლებით ტაძრის შენობაში შევიდა და საკურთხევლისაკენ გაემართა. მათ საკურთხეველზე დადეს პაპის ბულა განდგომის შესახებ და გავიდნენ. დასავლეთის შესასვლელიდან რომ გადიოდა, კარდინალმა მტვერი დაიბერტყა ფეხებიდან და წარმოთქვა: „დაე, უფალმა ნახოს და განსაჯოს“. კარდინალს მისდია დაბნეულმა დიაკონმა და ევედრებოდა, უკან წაეღო ბულა. მან უარი თქვა, ხოლო ბულა ქვაფენილზე დაეცა.[1]
