დენიელ კრეიგი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დენიელ კრეიგი
Daniel Craig 3, 2012.jpg
კრეიგი ფილმის „სკაიფოლი“ პრემიერაზე სიდნეიში, 2012 წლის 16 ნოემბერს
დაბ. სახელი დენიელ რაფტონ კრეიგი
დაბ. ადგილი ჩესტერი, ჩეშირი, ინგლისი
დაბ. თარიღი 2 მარტი, 1968 (1968-03-02) (46 წლის)
საქმიანობა მსახიობი
წლები 1992–დღემდე
მეუღლე(ები) ფიონა ლაუდონი (1992–1994)
რეიჩელ ვაისი (2011-დღემდე)

დენიელ რაფტონ კრეიგი[1] (დ. 1968 წლის 2 მარტს) — ინგლისელი მსახიობი, ყველაზე მეტად ცნობილი 2006 წლიდან, ბრიტანელ საიდუმლო აგენტ ჯეიმზ ბონდის როლით.

კრეიგი ეროვნული ახალგაზრდული თეატრის ყოფილი სტუდენტია, რომელმაც ასევე ლონდონის მუსიკისა და დრამის გილდიის სკოლა დაამთავრა და სასცენო კარიერა დაიწყო. მის ადრეულ როლებს შორის აღსანიშნავია „ელისაბედი“, „ერთის ძალა“ და „ბიჭუნა მეფე ართურის კარზე“. სატელევიზიო როლებს შორის ცნობილია „შარპის არწივი“ და „ზორო“. ბრიტანულ ფილმებმა „სიყვარული ეშმაკია“, „ტრანშეა“ და „რაღაც ხმები“ ინდუსტრიის ყურადღება მიიქცია, რასაც მოჰყვა როლები უფრო მასშტაბურ ფილმებში - „ლარა კროფტი: სამარხების მძარცველი“, „დაწყევლილი გზა“, „ფენოვანი ნამცხვარი“ და „მიუნხენი“.

საერთაშორისო წარმატება კრეიგმა მოიპოვა ჯეიმზ ბონდის როლზე შერჩევით, რითაც იგი პირს ბროსნანს ჩაენაცვლა. მიუხედავად თავდაპირველად სკეპტიკური აზრებისა, მისი დებიუტი ფილმში „კაზინო როიალი“ დადებითად იქნა შეფასებული და მოუტანა BAFTA-ს ჯილდო წამყვანი როლის საუკეთესო მსახიობისათვის. დღეისათვის ამ ფილმს ბონდის ყველა ფილმს შორის ყველაზე მაღალი შემოსავალი აქვს. „უმნიშვნელო ნუგეში“, შემდეგი ფილმი, გამოვიდა ორი წლის შემდეგ, ხოლო „სკაიფოლი“ - 2012 წლის 23 ოქტომბერს,[2] თუმცა გამოვიდა დაგვიანებით, MGM-ის ფინანსური პრობლემების გამო.[3] კრეიგი ბონდის როლში ასევე გამოჩნდა 2012 წლის ზაფხულის ოლიმპიური თამაშების ცერემონიის გახსნაზე, დედოფალ ელისაბედ II-ის თანმხლების სახით.

კრეიგი ქორწინებაშია მსახიობ რეიჩელ ვაისთან[4], მეორე მეუღლესთან. წინა მეუღლე ფიონა ლაუდონისგან მას ჰყავს ქალიშვილი ელა. 2006 წელს კრეიგი გაწევრიანდა კინოხელოვნებისა და მეცნიერებათა აკადემიაში. ბონდის როლის მიღების შემდეგ კრეიგი სხვა ფილმებშიც ჩნდებოდა. მათ შორის აღსანიშნავია უკანასკნელ პერიოდში რომანის „გოგონა დრაკონის ტატუთი“ ეკრანიზაცია.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]

  1. GRO Birth Registration Index. Ancestry.co.uk. წაკითხვის თარიღი: 17 February 2009.
  2. IMDB Release Info. imdb.com. წაკითხვის თარიღი: 14 October 2012.
  3. Hoyle, Ben. “'Best Bond ever' vanquishes his greatest foe – the critics“, The Times, 15 November 2006. წაკითხვის თარიღი: 15 November 2006. 
  4. Daniel Craig and Rachel Weisz get married. guardian.co.uk (26 June 2011). წაკითხვის თარიღი: 13 October 2012.