დელუვიონი

დელუვიური ნალექები მთების ძირში

დელუვიონი, დელუვიური ნალექები (ლათ. deluo – ჩამოვრეცხავ) — მაღლობისა და მთის ძირში დაგროვილი ნალექები, რომლებიც წარმოადგენს ძირითადად ზედაპირული წყლების ჩამორეცხილ ან სიმძიმის ძალით ჩამოტანილ გამოფიტულ ფხვიერ ნაშალ მასალას. დელუვიონი ფართოდ არის გავრცელებული მთაში. იგი მთის ძირას წარმოქმნის დელუვიურ შლეიფებს. მრავალფეროვანი შედგენილობისაა; უმეტესად წარმოადგენს თიხნარს, ქვიშნარს ან უფრო მსხვილმარცვლოვან ნაშალ მასალას. დელუვიონში გვხვდება ოქროს, კალის, ვოლფრამისა და სხვ. ქვიშრობი საბადოები.

დაფიქსირებულია აზიის, ევროპისა და სხვა მთიან მხარეებში. ტერმინი შემოიღო რუსმა გეოლოგმა ალექსი პავლოვმა 1888 წელს.

იხილეთ აგრეთვე

• კოლუვიონი

ლიტერატურა

• ქართული საბჭოთა ენციკლოპედია, ტ. 3, გვ. 455, თბ., 1978 წელი.
• Павлов А. П., Генетические типы материковых образований ледниковой и позднеледниковой эпохи,1888, т. 7, №7;
• Обручев В. А., Основы геологии, М. — Л., 1947.