დანიელ-კამპოსის პროვინცია

დანიელ-კამპოსის პროვინცია
Provincia de Daniel Campos

ქვეყანა	ბოლივია
სტატუსი	პროვინცია
შედის	პოტოსის დეპარტამენტი
მოიცავს	2 მუნიციპალიტეტს
ადმინ. ცენტრი	ლიიკა
ოფიც. ენები	ესპანური, აიმარა
მოსახლეობა (2001)	5 067 კაცი
სიმჭიდროვე	0.5 კაცი/კმ²
აღმსარებლობა	კათოლიციზმი, პროტესტანტიზმი
ფართობი	10 347 კმ²
დროის სარტყელი	GMT -4
კოდი ISO 3166-2	BO.PO.DC
	Daniel Campos Province

დანიელ-კამპოსის პროვინცია (ესპ. Provincia de Daniel Campos) — პროვინცია ბოლივიაში, პოტოსის დეპარტამენტის ჩრდილო-დასავლეთ ნაწილში. სახელი ეწოდა ამ მხარეში დაბადებული პოეტის — დანიელ კამპოსის პატივსაცემად. დედაქალაქია ლიიკა.

დანიელ-კამპოსი ერთ-ერთია პოტოსის დეპარტამენტის თექვსმეტი პროვინციიდან. ჩრდილოეთით ესაზღვრება ორუროს დეპარტამენტი, დასავლეთით — ჩილე. ჩრდილოეთიდან სამხრეთისკენ გადაჭიმულია 180 კმ-ზე, აღმოსავლეთიდან დასავლეთისკენ 240 კმ-ზე, ხოლო მთლიანი ფართობი 10 347 კმ²-ს შეადგენს.

პროვინცია მდებარეობს მარილიან პლატოზე, სამხრეთ ალტიპლანოში. მისი ტერიტორიის 65 %-ზე მეტი სალარ-დე-უიუნის უჭირავს. კლიმატი მშრალია, ნალექების 200 მმ საშუალო წლიური მაჩვენებლით.

მოსახლეობა

პოტოსის დეპარტამენტის პროვინციები

კუნძული ინკაუასი სალარ-დე-უიუნიში

• 1992 წლის აღწერისას, მოსახლეობა 4 630 ადამიანს შეადგენდა, 2001 წელს კი 5 067-ს, ანუ ადგილი ჰქონდა 9.4 %-იან ზრდას.
• 80% ლაპარაკობს ესპანურად, 59% აიმარაზე.
• მოსახლეობის 87 %-ს არ აქვს ელექტროენერგია.
• 73% დასაქმებულია სასოფლო-სამეურნეო სფეროში, 3% მაღაროებში, 2% მრეწველობაში, 22% მომსახურების სფეროში (2001).
• მორწმუნეთა 87% კათოლიკეა, 8% პროტესტანტი.

მოსახლეობის ძირითადი ნაწილი აიმარას შთამომავლები არიან.

დაყოფა

პროვინცია შედგება ორი მუნიციპალიტეტისაგან, რომლებიც თავის მხრივ კანტონებად იყოფა.

იხილეთ აგრეთვე

• ბოლივიის პროვინციები

რესურსები ინტერნეტში

• Population data (Spanish)

-20.116667,-67.820°07′ ს. გ. 67°48′ დ. გ.