დავით ქევხიშვილი

დავით ქევხიშვილი

პირადი ინფორმაცია
ეროვნება	ქართველი
დაბ. თარიღი	5 იანვარი, 1983
დაბ. ადგილი	ახალსოფელი, ყვარლის რაიონი, საქართველოს სსრ, სსრკ
სიმაღლე	170
წონა	73
სპორტი
ქვეყანა	საქართველო
სპორტი	ძიუდო

დავით ქევხიშვილი (დ. 5 იანვარი, 1983 ახალსოფელი, ახლანდ. ყვარლის მუნიციპალიტეტი) — ქართველი სპორტსმენი, ძიუდოისტი.

ბიოგრაფია

დაამთავრა თბილისის სახელმწიფო უნივერსიტეტის იურიდიული ფაკულტეტი წითელ დიპლომზე. საქართველოს ძიუდოისტთა ეროვნული ნაკრების წევრი, 2004-2008 წლებში იყო ნაკრების კაპიტანი. არის ევროპისა და მსოფლიოს ჩემპიონი და პრიზიორი, 2004 წლის ათენის ოლიმპიადის მონაწილე (VII ადგილი). ღირსების ორდენის კავალერი.

2012 წლის 1 ოქტომბრიდან 2014 წლის 25 აპრილამდე ყვარლის მუნიციპალიტეტის გამგებელი. 2014 წლის 25 აპრილს, პოლიციამ ყვარლის გამგებელი დავით ქევხიშვილი და მასთან ერთად კიდევ 17 პირი, ძირითადად „ქართული ოცნების“ აქტივისტები წვრილმანი ხულიგნობის ბრალდებით 2014 წლის 25 აპრილს დილით დააკავა. ამავე დროს, საკრებულოს წევრებმა დახურული სხდომა გამართეს და გამგებელი თანამდებობიდან გაათავისუფლეს.

2014 4 ნოემბერს გურჯაანის რაიონულმა სასამართლომ უკანონოდ ცნო ყვარლის მუნიციპალიტეტის საკრებულოს გადაწყვეტილება, გამგებელ დავით ქევხიშვილის თანამდებობიდან გადაყენების თაობაზე. 2012 წლის 10 დეკემბრიდან საქართველოს ძიუდოს ფედერაციის პრეზიდენტია.

საერთო შედეგები

დისციპლინა	ადგილმდებარეობა	წონითი კატეგორია	ტურნირი	ადგილი
ძიუდო	ტოკიო, იაპონია	-81 კგ	მსოფლიოს გუნდური ჩემპიონატი 2008	01 
ძიუდო	პარიზი, საფრანგეთი	-73 კგ	მსოფლიოს გუნდური ჩემპიონატი 2006	01 
ძიუდო	ბაზელი, შვეიცარია	-73 კგ	მსოფლიოს გუნდური ჩემპიონატი 2002	02 
ძიუდო	მარიბორი, სლოვენია	-73 კგ	ევროპის ჩემპიონატი 2002	01 
ძიუდო	ლისაბონი, პორტუგალია	-73 კგ	ევროპის ჩემპიონატი 2008	03 
ძიუდო	როტერდამი, ნიდერლანდები	-73 კგ	ევროპის ჩემპიონატი 2005	03 
ძიუდო	ბუქარესტი, რუმინეთი	-73 კგ	ევროპის ჩემპიონატი 2004	03 
ძიუდო	ბელგრადი, სერბეთი	-73 კგ	ევროპის ჩემპიონატი 2007	02 
ძიუდო	მარიბორი, სლოვენია	-73 კგ	ევროპის ჩემპიონატი 2002	02 

რესურსები ინტერნეტში

• ბიოგრაფია
• გაიცანი შენი კანდიდატი: დავით ქევხიშვილი
• დავით ქევხიშვილი — ქართული სპორტი