დავით ქართველიშვილი

დავით ქართველიშვილი
დაბადების თარიღი	6 ივლისი, 1976(1976-07-06) (47 წლის)
დაბადების ადგილი	თბილისი, საქართველოს სსრ, სსრკ
საქმიანობა	პროზაიკოსი და ესეისტი
ენა	ქართული ენა
მოქალაქეობა	სსრკ  საქართველო
ჯილდოები	პრემია „საბა“

დავით ქართველიშვილი (დ. 6 ივლისი, 1976, თბილისი) — ქართველი პროზაიკოსი და ესეისტი. ყურადღება მიიქცია პირველივე მოთხრობების კრებულით „პოპური“ (2001, პრემია წინანდალი 2001, წლის საუკეთესო ახალგაზრდა მწერალი). ამ პერიოდისათვის მისი ნაწარმოებები სტილისტურად ახლოს იყო აკა მორჩილაძის ნაწარმოებებთან და შეიცავდა პოსტმოდერნისტული ესთეტიკის ელემენტებს, თუმცა მისი შემდგომი ნაწარმოებები უკვე თვისობრივად განსხვავებული იყო. ქართველიშვილის რომანი „იყო საღამო იყო დილა“ 2006 წელს გამოსცა ბაკურ სულაკაურის გამომცემლობამ, ეს ნაწარმოები დღემდე რჩება მის ყველაზე პოპულრაულ ტექსტად. ავტორია რომანებისა: „სიყვარული და მსხალი“ (2009), „მოცემულობა“ (2011), „ათი ქალწული“ (2012). ქართველიშვილის წიგნების უმრავლესობა ბაკურ სულაკაურის გამომცემლობაშია დაბეჭდილი (მათ შორის — კრებული „6 სიზმარი“). 2010-2011 წლებში იყო საქართველოს პენ-ცენტრის დროებითი პრეზიდენტი.

ჯილდოები

• 2008 — „საბა” საუკეთესო პროზაული კრებულისთვის „ოთხი მოთხრობა“.

რესურსები ინტერნეტში

• დავით ქართველიშვილი — ქართველი ავტორები