გუდბაი, ლენინ! (ფილმი)

გუდბაი, ლენინ!; Good bye, Lenin!
რეჟისორი	ვოლფგანგ ბეკერი
პროდიუსერი	სტეფან ანდტი
როლებში	დანიელ ბრიული; ჩულპან ხამატოვა; კატრინ სასი; მარია სიმონი
კომპოზიტორი	იან ტიერსენი
კინემატოგრაფია	X Filme Creative Pool
გამოსვლის თარიღი	2003
ხანგრძლივობა	121 წთ.
ქვეყანა	გერმანია
ენა	გერმანული ენა
ბიუჯეტი	4,8 მლნ ევრო
IMDb პროფილი

ვიკიპედიიდან

გადასვლა: ნავიგაცია, ძიება

"გუდბაი, ლენინ!" (ინგლ. Good bye, Lenin!) გერმანული ფილმი გდრ-ის გაუქმებაზე, რომელშიც აღწერილია თუ როგორ ცდილობენ და ძმა ავადმყოფი დედისთვის გდრ-ის იმიტაციას მისი ოთახის ფარგმლებში. შედეგად ფილმის მთავარი გმირები, რომლებიც გდრის გაუქმებას ენთუზიაზმით შეხვდნენ, ქმნიან ვირტუალურ გდრ-ს რომელიც ასახავს მათ გაუმართლებელ მოლოდინებს არ არსებული სახელმწიფოსგან.

[რედაქტირება] სიუჟეტი

გდრის ტიპიური ოჯახის ბედნიერება ინგრევა, როდესაც მამა მიდის მივლინებაში და აღარ დაბრუნდება. ის დასავლეთ გერმანიაში გაიქცა. დედას, კრისტინა კერნერს, უწევს შტაზის აგენტების კითხვებზე პასუხის გაცემა, რის შემდეგაც იგი რამდენიმე კვირას ფსიქიატრიულ საავადმყოფოში ატარებს, სდაც მოსიყვარულე შვილები აკითხავენ. საავადმყოფოდან გამოწერის შემდეგ კრისტინა პირად ცხოვრებაზე უარს ამბობს და საკუთარ თავს უძღვნის ბავშვების აღზრდას სოციალიზმის იდეალებზე.

1989 წლის ოქტომბერში ბერლინში იწყება ანტიკომუნისტური დემონსტრაციები, რომელშიც კრისტინას ვაჟი აკლექსი იღებს მონაწილეობას. კრისტინა შეესწრო, თუ როგორ სცემეს და დააპატიმრეს პოლიციელებმა ალექსი, მას შოკისგან სისხლის ჩაქცება მოუვიდა და კომაში ჩავარდა. ალექსი თავს დამნაშავედ გრძნობს დედის უბედურებაში, იგი ბევრ დროს ატარებს საავადმყოფოში უგონო დედასთან, სადაც გაიცნობს ახალგაზრდა მედდას რუსეთიდან.

სანამ ალექსი და მისი და არიადნა საავადმყოფოში დედას უვლიან, ვეყანაში დრამატული ცვლილებები ხდება, გადადგა ერიხ ხონეკერი, გდრი გაუქმდა, ბერლინის კედელი დაინგრა და აღმოსავლეთში შემოაბიჯა კაპიტალიზმმა. შეიცვალა ალექსის და არიადნას ცხოვრებაც. ქარხანა, რომელშიც ალექსი მუშაობდა, დაიხურა, არიადნამ სწავლას თავი დაანება და მუშაობა დაიწყო სწრაფი კვების რესტორანში, სადაც დასავლეთ გერმანელ ბიჭს დაუმეგობრდა. ალექსმა კი დაიწყო ახალი სამსახური, სადაც დასავლელ კოლეგასთან, დენისთან ერთად აყენებდა სატელევიზიო ანტენებს.

8 თვის შემდეგ კრისტინა გონზე მოდის. ექიმებმა გააფრთხილეს ალექსი, რომ მისი ჯანმრთელობის მდგომარეობა ძალიან მძიმეა და მისი აღელვება შეიძლება ფატალური აღმოჩნდეს. ალექსს მაინც გადაყავს დედა სახლში, და ცდილობს მისთვის შექმნას გდრის გარემო. ფილმის მეორე ნახევარი ეთმობა ალექსის და არიადნას მცდელობებს არ გააგებინონ დედას მომხდარი ცვლილებების შესახებ. ალექსი დიდი წვალებით შოულობს გდრში არსებულ ყავის ქილებს და მასში ყრის ბრაზილიურ ყავას, იგი ასხავს ახალ კონსერვებს ნაგავში ნაპოვნ და გამოხარშულ ქილებში.

უქმდება გდრ-ის მარკა. ფულის გადაცვლაზე მოქალაქეებს ცოტა დრო აქვთ. ალექსმა და ადრიანამ გადაქექეს სახლი, მაგრამ ვერ იპოვეს დედის შემნახველი სალაროს წიგნაკი. ბოლოს ჰკითხეს დედას ფულზე, აღმოჩნდა რომ მას საგანგებო სამალავი ჰქონდა, მაგრამ არ ახსოვს სად აქვს დამალული ფული. ხოლო როდესაც გაახსენდება, გადაცვლის ვადა ამოუწურა. გულგატეხილი ალექსი სახლის სახურავიდან ყრის დედის გაუფასურებულ დანაზოგებს.

ერთ დღეს დედამ ალექსს ტელევიზორის მის ოთახში დადგმა მოითხოვა. ალექსმა ტელევიზორი ვიდეო მაგნიტაფონს მიუერთა და თავის მეგობართან, დენისთან ერთად, რომელსაც რეჟისორობის ამბიციები ჰქონდა, წერს და ამონტაჟებს გდრ-ის საინფორმაციო გამოშვებებს. ალექსი ცდილობს დედისთვის მისაღებ ფორმებში ახსნას სახლების კედლებზე გამოჩენილი აბრები. კრისტინა იწყებს სიარულს და ხედავს უამრავ დასავლურ მანქანებს, რასაც ალექსი ასევე ხსნის დასავლეთიდან წამოსული ლტოლვილებით.

აგარაკზე კრისტინა გამოუტყდება შვილებს, რომ მან იცოდა მათი მამის წასვლის ამბავი, მას ნორმალურად მუშაობის საშუალებას არ აძლევდნენ და დასავლეთში გადასვლის შანსის ხელიდან გაშვება არ უნდოდა. კრისტინა და ბავშვებიც უნდა წასულიყვნენ, მაგრამ მან ვერ გაბედა ეს. მამა წერილებს იწერებოდა, რომლებიც სამზარეულოს კარადის უკან არის დამალული. იმავე საღამოს კრისტინას მეორედ მოუვიდა ინფაქტი.

ალექსმა მამა იპოვა და მოიყვანა საავადმყოფოში დედასთან დასამშვიდობებლად. მან ნახა ტაქსისტი, რომელიც გასაოცრად ჰგავდა ზიგმუნდ იენს, პირველ გერმანელ კოსმონავტს. იგი მოელაპარაკა მას და დენისის დახმარებით ახალი ტელესიუჟეტი გადაიღეს იმაზე, თუ როგორ გახდა ზიგმუნდი გდრ-ის ახალი კანცლერი და გადაწყვიტა საზღვრების გახსნა. კრისტინა მალე მოკვდა, ისე, რომ არ უთხრა ალექსს, რომ მედდა ლარამ ყველაფერი უამბო კედლის დანგრევასა და ქვეყნის გაერთიანებაზე.