გო იუი

„გო იუი“
國語
ავტორი	უცნობია
ქვეყანა	ჯოუს დინასტია (ჩინეთი)
ენა	კლასიკური ჩინური
თემა	ჯოუს დინასტიის ისტორია
გამოცემის თარიღი	ძვ.წ. IV საუკუნე

„გო იუი“ (ჩინ. 國語 „სამეფოების სიტყვა“) — ძველი ჩინური ისტორიული ნაშრომი, რომელშიც შეკრებილია ძველი ჩინეთის 8 სამეფოს (ჯოუ, ლუ, ცი, ძინი, ჯენი, ჩუ, უ, იუვე) ისტორიის მნიშვნელოვანი მასალა ძვ. წ. 962 ან ძვ. წ. 947-იდან ძვ. წ. 453 წლამდე. შედგება 21 თავისგან (ძიუანისაგან). ოფიციალური ჩინეთის ისტორიოგრაფია უკვე ხანის ეპოქიდან (ძვ. წ. III ს. — ახ. წ. III ს.) მის ავტორად მიიჩნევს ლუს სამეფოს ისტორიოგრაფს, კონფუცის მოწაფეს — ძო ციუ-ინს (ძვ. წ. V.). თანამედროვე ისტორიოგრაფიის მიხედვით, „გო იუი“ არის სხვადასხვა ანალებიდან ამოღებული სხვადასხვა ავტორის ჩანაწერების ისტორიოგრაფიულად გადამუშავებული კრებული.

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 206.

რესურსები ინტერნეტში

• გო იუი — ორიგინალი ტექსტი ჩინურად