გორა — სოფელი საქართველოში, ქვემო ქართლის მხარის დმანისის მუნიციპალიტეტში (საკირეს თემი),[1] მდებარეობს ლოქის ქედის ჩრდილოეთ კალთაზე, მდინარე მოშევანის (მდინარე მაშავერის მარჯვენა შენაკადი) მარჯვენა მხარეს. ზღვის დონიდან 1330 მეტრზე, დმანისიდან დაშორებულია 25 კილომეტრით. 2002 წლის აღწერის მონაცემებით სოფელში ცხოვრობს 38 კაცი.[2]
სოფელ გორაში დგასძველი, შემდეგში განახლებული ღვთისმშობლის ეკლესია, მის მახლობლად — ბერძნების მიერ XIX საუკუნეში აგებული წმიდა ილიას ეკლესია. გორას ახლანდელი მოსახლეობა XIX საუკუნეში გადმოსახლდნენ არზურმის (თურქეთი) მხრიდან.
