გიორგი მაისაშვილი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

გიორგი მაისაშვილი

გიორგი მაისაშვილი
დაბადების თარიღი 24 ნოემბერი, 1962
დაბადების ადგილი თბილისი, საქსსრ, სსრკ
მოღვაწეობა საქართველოს პოლიტიკური მოღვაწე
ეროვნება ქართველი

გიორგი (გია) მაისაშვილი (დ. 24 ნოემბერი, 1962. თბილისი) — ქართველი ეკონომისტი, პოლიტიკური და საზოგადო მოღვაწე. 2008 წლის საპრეზიდენტო არჩევნების კანდიდატი. დაამთავრა თბილისის 51-ე საშუალო სკოლა.

1985 წელს დაამთავრა თბილისი ივ. ჯავახიშვილის სახელობის სახელმწიფო უნივერსიტეტი.

1990 წელს თანამოაზრეებთან ერთად შექმნა ეკონომიკური კონცეფცია პოლიტიკურ პარტიათა და ორგანიზაციათა მრგვალი მაგიდისითვის, რომლის განხორციელებაც ხელისუფლებამ ვერ მოასწრო ქვეყანაში მომხდარი სამხედრო-კრიმინალური გადატრიალების გამო. ამის შემდეგ, გ. მაისაშვილი იმყოფება პოლიტიკურ დევნილობაში აშშ-ში.

1993 წელს სტენფორდის უნივერსიტეტში (აშშ) გაიარა სპეციალური კურსი.

1997 წელს დაამთავრა ჯონ ფ. კენედის სახელობის ჰარვარდის სამთავრობო სკოლა.

მუშაობდა ენერგეტიკულ კომპანიაენრონში, სადაც კორპორაციის რისკის ანალიზის განყოფილებას ხელმძღვანელობდა 2001 წლამდე. ოყო კემბრიჯის ენერგეტიკული ასოციაციის (CERA) კასპიის აუზის ენერგეტიკული შემცველების დეპარატამენტის უფროსი. ხელმძღვანელობს საკონსულტაციო კომპანია „ჰერიკლე გრუპ“-ს.

2003 წელს გ. მაისაშვილი საქართველოში დაბრუნდა ვარდების რევოლუციის პერიოდში და „ერთიანი ნაციონალური მოძრაობის“ ლიდერის მიხეილ სააკაშვილის ეკონომიკური კონსულტანტი გახდა და მისი თხოვნით დაწერა საქართველოს სახელმწიფოებრივი მშენებლობის პროგრამა. რევოლუციის შემდეგ მაისაშვილი ობიექტური მიზეზების გამო ჩამოშორდა მ. სააკაშვილს.

2004 წელს დააარსა არასამთავრობო ორგანიზაცია „მომავლის მთავრობა“.

2006 წელს გ. მაისაშვილმა საკუთარი ძალისხმევით ჩამოაყალიბა ლიდერთა სკოლა, რომლის მიზანიც არის „ახალი, განათლებული, ჭკვიანი და მამაცი ლიდერთა თაობის აღზრდა“.

2007 წლის 26 ივლისს გ. მაისაშვილმა დააფუძნა მოქალაქეთა პოლიტიკური გაერთიანება „მომავლის პარტია“, რომლის ძირითადი მიზანია საქართველოს სრული პოლიტიკური სტაბილურობა, ქვეყნის ერთიანობის უზრუნველყოფა, სოლიდარული საზოგადოების ჩამოყალიბება.

2008 წლის 5 იანვრის საპრეზიდენტო არჩევნებში მონაწილეობა მიიღო როგორც პრეზიდენტობის კანდიდატმა.

რესურსები ინტერნეტში[რედაქტირება]

http://giamaisashvili.blogspot.com/