გეორგ აგრიკოლა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

გეორგ აგრიკოლა

გეორგ აგრიკოლა
გეორგ აგრიკოლა
დაბადების თარიღი 24 მარტი, 1494
დაბადების ადგილი გლაუხაუ,
გარდაცვალების თარიღი 21 ნოემბერი, 1555
გარდაცვალების ადგილი ხემნიცი, გერმანია
სამეცნიერო სფერო მინერალოგია, მეტალურგია, მედიცინა

გეორგ აგრიკოლა (ლათ. Georgius Agricola; ნამდვილი სახელი და გვარია გეორგ ბაუერი; დ. 24 მარტი, 1494 — გ. 21 ნოემბერი, 1555) — გერმანელი ექიმი, მინერალოგი და მეტალურგი. მუშაობდა ქალაქის ექიმად, ჩეხეთის სამთამადნო და მეტალურგიული მრეწველობის ცენტრში — ქალაქ იახიმოვში.

1514-1518 წლებში ფილოლოგიას სწავლობდა ლაიფციგის უნივერსიტეტში. 1518-1522 წლებში იყო ცვიკაუში სკოლის რექტორი. 1521 წლიდან ლაიფციგში სწავლობდა მედიცინას.

პირველმა შეადგინა სასარგებლო წიაღისეულის, მისი დამუშავების ხერხებისა და მეტალურგიული პროცესების სისტემატიური აღწერილობა, შეისწავლა 20 ახალი მინერალი და დაადგინა გარეგანი ნიშნების მიხედვით მათი განსაზღვრის მეთოდები, აღწერა მაღაროებში გავრცელებული დაავედებანი, გამოიკვლია მათი გამომწვევი მიზეზები და შეიმუშავა ამ დაავადებებთან ბრძოლის ღონისძიებათა სისტემა.

აგრიკოლა პროფესიონალური ჰიგიენის ერთ-ერთი პიონერია. მისი შრომა „სამთო საქმისა და მეტალურგიისათვის“ (დაიწერა 1550, გამოქვეყნდა 1556) ორი საუკუნის მანძილზე ითვლებოდა სამთო ტექნიკისა და მეტალურგიულ სახელმძღვანელოდ. გეორგ აგრიკოლა გარდაიცვალა 1555 წლის 21 ნოემბერს ქალაქ ხემნიცში.

თხზულებები[რედაქტირება]

  • De natura corum qual effluunt ex terra, Venetiis, 1553;
  • De Peste, Basileae, 1554.

რესურსები ინტერნეტში[რედაქტირება]

ლიტერატურა[რედაქტირება]