ბჰუტანის პოლიტიკური სისტემა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

ბჰუტანის სამეფოში მოქმედებს კონსტიტუციური მონარქია. 1907-1950 წლებში ბჰუტანი აბსოლუტური მონარქია იყო. დემოკრატიულ პრინციპებზე გადასვლა საკმაოდ მშვიდობიანად მოხდა.[1] სახელმწიფოს მეთაურია ბჰუტანის მეფე. აღმასრულებელ ხელისუფლებას ახორციელებს მინისტრთა საბჭო, რომელსაც პრემიერ-მინისტრი ხელმძღვანელობს. საკანონმდებლო ხელისუფლება ეკუთვნის ორპალატიან პარლამენტს — ზედა ეროვნულ საბჭოსა და ქვედა ეროვნულ ასამბლეას. 2007 წლის სამეფო ბრძანებამ მოხსნა მანამდე არსებული აკრძალვა პოლიტიკურ პარტიებზე და ბრძანა, რომ ისინი უთუოდ უნდა შექმნილიყო ეროვნული ასამბლეის მომდევნო წლის არჩევნებამდე.[2] 2008 წელს ბჰუტანმა მიიღო პირველი თანამედროვე კონსტიტუცია, რომელმაც ჩამოაყალიბა სამთავრობო ინსტიტუციები და კანონიერი საფუძველი შექმნა დემოკრატიული მრავალპარტიული სისტემისათვის.

სქოლიო[რედაქტირება]

  1. Kaul, Nitasha. “Bhutan is Neither Authoritarian Nor Stuck in a Time Warp“, The Guardian Online, 2008-03-27. წაკითხვის თარიღი: 2009-07-20. 
  2. Sengupta, Somini. “Line Up and Pick a Dragon: Bhutan Learns to Vote“, New York Times, 2007-04-24. წაკითხვის თარიღი: 2007-04-24.