ბოსნიელები

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

ბოსნიელები (სერბულ-ხორვატული ენის ლათინურ ანბანზე: Bosanci, სერბულ-ხორვატული ენის კირილურ ანბანზე: Босанци) ბოსნიისა და ჰერცეგოვინას მოქალაქეები, მიუხედავად რომელ რეგიონში ცხოვრობენ, ან რომელ ეთნოსს მიაკუთვნებენ საკუთარ თავს. აღნიშნული სიტყვა ტიტულარული ნაციის სინონიმად გამოიყენება ბოსნიისა და ჰერცეგოვინის კონსტიტუციაში. ბოსნიელები შეიძლება ჩვეულებრივ შეიძლება ეთნონიმადაც გამოიყენებოდეს.

ბოსნიისა და ჰერცეგოვინას მოქალაქეები შეიძლება იყვნენ:

  • ბოსნიელი მუსლიმები, დღეს "ბოსნიაკებად" წოდებულნი.
  • ბოსნიელი ხორვატები.
  • ბოსნიელი სერბები.

რელიგიები[რედაქტირება]

ბოსნიელთა 40 %-ზე მეტი ისლამს აღიარებს, და უმეტესობა სუნიტები არიან. ბოსნიელთა 31 %-ზე მეტი სერბული მართლმადიდებელი ეკლესიის მიმდევარია, 15 % კი რომის კათოლიკური ეკლესიისა. დანარჩენი 14 % წარმოადგენს მორწმუნე ებრაელებს და ათეისტებს.

ენა[რედაქტირება]

Searchtool-80%.png მთავარი სტატია : სერბულ-ხორვატული ენა.

ბოსნიელთა უმეტესობა ლაპარაკობს ბოსნიურად, ხორვატულად, ან სერბულად, რომლებიც სერბულ-ხორვატული ენის სხვადასხვა, ერთმანეთისაგან მინიმალურად განსხვავებული ვარიანტები არის. რეგიონში გავრცელებული მეტყველება არის სერბულ-ხორვატული ენის შტოკავურ-იჲეკავური ნაირსახეობა, თუმცა გასულ წლებში ყოფილი იუგოსლავიის ტერიტორიაზე მომხდარი მოვლენებისა და ასევე პოლიტ-კორექტული მოსაზრების გამო "ბოსნიური მეტყველების" გამოყენებას ერიდებიან და მას ბოსნია-ჰერცეგოვინაში ბოსნიურს, ხორვატიაში ხორვატ(ი)ულს, ხოლო სერბიაში სერბულ ენებს უწოდებენ. ვიკიპედიაშიც შეხვდებით შესაბამის დასახელებათა სტატიებს ხორვატული ენის, სერბული ენის, ბოსნიური ენის შესახებ, მაგრამ ამ გეოგრაფიულად ერთმანეთთან ახლო მცხოვრები სამი ეთნოსის, მუსლიმ ბოსნიელთა, მართლმადიდებელ სერბთა და კათოლიკე ხორვატთა ენას, ენათმეცნიერული თვალსზრისით, სერბულ-ხორვატული ენა წარმოადგენს. შესაბამისად ამის შესახებ ვრცელი სტატია ამ სათაურითაა საძიებელი.

ანბანი[რედაქტირება]

ისტორიულად ბოსნიაში გავრცელებული იყო ე.წ. არებიცა , რომელიც დიაკრიტიკული ნიშნებით გავრცობილი არაბული ანბანის ერთ-ერთი ვარიანტია. არებიცა ახლოს დგას ოსმალურ ანბანთან. დღეს ბოსნიაში, ისევე როგორც სერბეთში, გამოიყენებენ ე.წ. ჩირილიცასაც და ლატინიცასაც, ანუ ქვეყანაში ფაქტობრივი ორანბანიანობაა.

იხილეთ აგრეთვე[რედაქტირება]