ბორის ძნელაძის მწვერვალი

ბორის ძნელაძის მწვერვალი — მწვერვალი ყაზბეგის რაიონში, კავკასიონის განშტოების — შავანის ქედის სამხრეთ ნაწილში. სიმაღლე 4000 მეტრი. აგებულია იურული თიხაფიქლებით. დამახასიათებელია ნივალური ლანდშაფტი. მისასვლელი გზა აქვს მდინარე ხდის (თერგის შენაკადი) სათავიდან. ადრე სამხრეთ შავანა ეწოდებოდა, ხოლო 1938 წლიდან, როცა მწვერვალზე პირველი ასვლა მოეწყო (ხელმძღვანელი კ. ჯავრიშვილი), ბორის ძნელაძის სახელი ეწოდა.

ლიტერატურა

• უთმელიძე მ., ქსე, ტ. 2, გვ. 473, თბ., 1977