ბოლესლავ პრუსი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ალექსანდრ გლოვაცკი
დაბ. თარიღი 8 აგვისტო, 1847
დაბ. ადგილი ხრუბიეშუფი, რუსეთის იმპერია
გარდ. თარიღი 19 მაისი, 1912 (64 წლის)
გარდ. ადგილი ვარშავა, რუსეთის იმპერია
ფსევდონიმი ბოლესლავ პრუსი
საქმიანობა ნოველისტი, ჟურნალისტი, მოკლე მოთხრობების მწერალი
ეროვნება პოლონელი
პერიოდი 1872–1912
ჟანრი რეალიზმი
ისტორიული რომანი
მოკლე მოთხრობები
პროზაული პოეზია
მიმდინარეობა პოზიტივიზმი
მეუღლე ოქტავია გლოვაკა-ტრემბინსკა

ხელმოწერა

ბოლესლავ პრუსი (პოლ. Bolesław Prus; დ. 20 აგვისტო, 1847 - გ. 19 მაისი, 1912) ნამდვილი სახელი ალექსანდრ გლოვაცკი — პოლონური ლიტერატურის მოწინავე ფიგურა და მსოფლიო ლიტერატურის დამახასიათებელი ხმა.

15 წლის ასაკში 1863 წლის პოლონურ აჯანყებას შეუერთდა, რომელიც რუსეთის იმპერიის წინააღმდეგ იყო მიმართული. 16 წლის შესრულებიდან ცოტა ხანში მძიმე დაზიანებები მიიღო ბრძოლისას, ხუთი თვის შემდეგ კი დააპატიმრეს აჯანყებაში მონაწილეობის მიღებისათვის. სწორედ ამ ადრეულ გამოცდილებებს შეიძლება გამოეწვია მასში აგორაფობია, რაც მთელი ცხოვრების მანძილზე სდევდა მწერალს. ადრეული გამოცდილებების დამსახურებაა ისიც, რომ პრუსმა უარი თქვა პოლონეთის დამოუკიდებლობის ძალით დაბრუნებაზე.

1872 წელს, 25 წლის ასაკში გლოვაცკი ვარშავაში დასახლდა სადაც დაიწყო მისი 40 წლიანი ჟურნალისტის კარიერია, რომელიც მთლიანად პოლონელ ხალხში მეცნიერების, ტექნოლოგიის, განათლების, ეკონომიკისა და კულტურის განვითარებას მოახმარა. სწორედ ამით ცდილობდა პოლონეთის რუსული, პრუსიული და ავსტრიული გავლენისგან დახსნას. გლოვაცკიმ მისი ფსევდონიმი, პრუსი მისი ოჯახის პოლონური ტიტულიდან მიიღო.

თავიდან პრუსი მოკლე მოთხრობებს წერდა. ამ საქმეში ნახული წარმატების შემდეგ პრუსი უფრო დიდ სამუშაოს შეეჭიდა. 1884 წლიდან 1895 წლამდე მან მისი ოთხი მთავარი ნოველა დაწერა: საგუშაგო, თოჯინა, ახალი ქალი და ფარაონი. თოჯინა ასახავს კაცის რომანტიულ, ბრმა სიყვარულს, რომელიც იმედგაცრუებულია მისი ქვეყნის ასეთი ჩამორჩენით. ფარაონი, პრუსის ერთადერთი ისტორიული ნოველაა. ის პოლიტიკური ძალისა და ერთა ბედისწერის ნარკვევია, რომელიც ასახავს ძველი ეგვიპტის მეოცე დინასტიის დასარულსა და ახალი სამეფოს დასაწყისს.

შემოქმედება[რედაქტირება]

ნოველები[რედაქტირება]

  • სულები მონობაში(Dusze w niewoli, 1876])
  • დიდება (Sława, დაიწყო 1885, არ დაუმთავრებია)
  • საგუშაგო (Placówka, 1885–86)
  • თოჯინა (Lalka, 1887–89)
  • ახალი ქალი (Emancypantki, 1890–93)
  • ფარაონი (Faraon, დაიწერა 1894–95; გამოვიდა 1895–96)
  • ბავშვები (Dzieci, 1908)
  • ცვლილებები (Przemiany, დაიწყო 1911–12; დაუსრულებლი)

რესურსები ინტერნეტში[რედაქტირება]