ბოგოტა

ქალაქი ბოგოტა Bogotá დროშა გერბი ქვეყანა  კოლუმბიაკოლუმბია სტატუსი დედაქალაქი კოორდინატები 4.598056,-74.0758334°35′53″ ჩ. გ. 74°04′33″ დ. გ. ქალაქის მერი სამუელ მორენო როხასი დაარსდა 6 აგვისტო, 1538 ფართობი 1,587 კმ² სიმაღლე ზღვის დონიდან 2,640 მ მოსახლეობა 7,304,384 კაცი (2010) სიმჭიდროვე 4,670.5 კაცი/კმ² ოფიციალური საიტი http://www.bogota.gov.co

ბოგოტა (ესპ. Bogotá; 2000 წლამდე ერქვა სანტა-დე-ბოგოტა) — კოლუმბიის დედაქალაქი. სამხრეთ ამერიკის ერთ-ერთი უდიდესი და კოლუმბიის ყველაზე დიდი ქალაქი. ფართობის მიხედვით, ბოგოტა მსოფლიოს 30 უდიდესი ქალაქის სიაშია. მესამეა ზღვის დონიდან ყველაზე მაღლა მდებარე დედაქალაქებს შორის (2 625 მ). (ლა-პასისა და კიტოს შემდეგ). ბოგოტაში არაერთი უნივერსიტეტი და ბიბლიოთეკაა, ამიტომ მას ხშირად „სამხრეთ ამერიკის ათენსაც“ უწოდებენ.

ისტორია

ბოგოტას ძველი სახელწოდებაა „Bacatá“, როგორც მას ჩიბჩა-მიუსკების ხალხი ეძახდა. ესპანურ კოლონიზაციამდე, ქალაქი სწორედ მათი ცივილიზაციის ცენტრი იყო. პირველი ევროპული დასახლება აქ 1538 წელს დააარსა ესპანელმა გონსალო ხიმენეს დე კესადამ და მას სანტა-ფე-დე-ბაკატა უწოდა, მისი დაბადების ადგილისა (სანტა-ფე) და ადგილობრივი სახელის შერწყმის შედეგად. მოგვიანებით, ქალაქი გახდა პერუს ვიცე-სამეფოს შემადგენელი ნაწილის, ახალი გრანადის სამეფოს დედაქალაქი, ხოლო შემდეგ ახალი გრანადის ვიცე-სამეფოს დედაქალაქი. სულ მალე ბოგოტა გახდა სამხრეთ ამერიკაში ესპანეთის კოლონიური მმართველობის ერთ-ერთი ცენტრი.

რესურსები ინტერნეტში

ვიკისაწყობში^? არის გვერდი თემაზე:

ბოგოტა

• ქალაქის ოფიციალური ვებ-გვერდი
• ბოგოტის ოფიციალური ტურისტული გზამკვლევი