ბატკანძერი

ბატკანძერი, კრავიჭამია (Gypaetus barbatus) — მტაცებელი ფრინველი შავარდნისებრთა ოჯახისა. სხეულის სიგრძე 110 სმ–ს აღწევს, ფრთების შლილი - 270 სმ-მდე. თავი და მუცლის მხარე მოყვითალო ან მოთეთროა, ზურგი - მოშავო. ბატკანძერის ნისკარტის ქვემოთ ჯაგრისებრი ბუმბული - "წვერი" აქვს. გავრცელებულია სამხრეთ ევროპაში, აზიისა და აფრიკის მთებში. საქართველოში - კავკასიონზე და სამხრეთ მთიანეთში (4800 მ-მდე ზღვის დონიდან). ბუდობს კლდის ნაპრალებში დებს ერთ კვერცხს. კრუხობა გრძელდება 54 დღე. ძირითადად მძორით იკვებება.

• 

  Gypaetus barbatus aureus

• 

  Gypaetus barbatus hemachalanus

ლიტერატურა

• ა. ჯანაშვილი, ქსე, ტ. 2, გვ. 229, თბ., 1977