ბანკი რესპუბლიკა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

ბანკი "რესპუბლიკა"დახურული სააქციო საზოგადოება, კომერციული ბანკი საქართველოში.

ბანკი რესპუბლიკის ლოგო

სექციების სია

ზოგადი მიმოხილვა[რედაქტირება]

ბანკი "რესპუბლიკა" ერთ–ერთი უძველესი ქართული კერძო ბანკია, რომელიც დაფუძნდა 1991 წელს. ბანკი "რესპუბლიკა" წამყვანი კომერციული ინსტიტუტია, რომელიც ეწევა კორპორაციულ და საცალო საბანკო საქმიანობას, ასევე ფინანსურ მომსახურებას საქართველოს მასშტაბით. ბანკში დასაქმებულია 1000-ზე მეტი ადამიანი. ბანკს 37 ფილიალი და სერვის-ცენტრი აქვს ქვეყნის მასშტაბით[1].

2006 წელს ჯგუფი "სოსიეტე ჟენერალი" გახდა ბანკის აქციების 60%-ის მფლობელი. 2009 წელს ჯგუფმა თავისი წილი 80%–მდე გაზარდა. "სოსიეტე ჟენერალის" გლობალური ცოდნა და კომპეტენცია ბანკ "რესპუბლიკის" ყველაზე ძლიერი მხარეა. ბანკი თანაბრად აქტიურია როგორც კორპორაციული, ასევე საცალო საბანკო საქმიანობის კუთხით და გასწევს ნებისმიერი სახის საინვესტიციო საბანკო მომსახურებას "სოსიეტე ჟენერალის" ჯგუფის ფარგლებში. "ბანკი რესპუბლიკა" აქტიურია იპოთეკური და სამომხმარებლო დაფინანსებისა და მიკროდაკრედიტების კუთხით და დახმარებას უწევს მცირე საწარმოებს არამხოლოდ თბილისის, არამედ მთელი საქართველოს მასშტაბით.

2010 წელს საქართველოს საბანკო სექტორმა კრიზისის დაძლევა შეძლო[2] დაიწყო, რაც პოზიტიურად აისახა "ბანკი რესპუბლიკას" გააქტიურებულ მარკეტინგულ აქტივობაზე, კომერციული პოზიციის გაძლიერებასა და ახალი პროდუქტების განვითარებაზე.

ბანკი "რესპუბლიკა" სთავაზობს კლიენტებს ხელსაყრელ და ინოვაციურ პროდუქტებს. 2010 წლის ბოლოს და 2011 წლის დასაწყისიდან ბანკმა მნიშვნელოვნად გაამარტივა საკრედიტო პირობები და წარადგინა ყველაზე დაბალი განაკვეთები საქართველოს ბაზარზე, რაც საზოგადოების მიერ შეფასდა, როგორც "ძალზე პოზიტიური კამპანია". ყოველივე ეს დადასტურდა კამპანიის პოპულარობით და წარმატებით აისახა ბანკის საკრედიტო პორტფელის ზრდაზე.

კორპორაციული სოციალური პასუხისმგებლობა ბანკ "რესპუბლიკისთვის" კვლავაც ერთ–ერთ უპირატეს საკითხად რჩება. ბანკი რეგულარულად ახორციელებს მრავალ სოციალურ პროექტს საზოგადოების კეთილდღეობის მხარდასაჭერად[3].

ბანკის საქმიანობა[რედაქტირება]

ბანკი "რესპუბლიკა" საქართველოს ბაზრის სპეციფიკის ზედმიწევნით ცოდნას წარმატებით უთავსებს დასავლეთის მაღალ სტრუქტურებს, აღიარებულია ყველაზე სანდო და დინამიკურად განვითარებად სტრუქტურად საფინანსო ინსტიტუტებს შორის. კორპორაციული, საცალო და სხვა საფინანსო მომსახურების მხრივ, ის სწრაფად მზარდი კომერციული ბანკია, რომელიც თავის მომხმარებელს უნივერსალურ საბანკო მომსახურებას სთავაზობს.

ბანკის სტრატეგია[რედაქტირება]

ბანკ "რესპუბლიკის" საქმიანობა მომხმარებელზე და მის ბიზნეს შესაძლებლობებზეა ორიენტირებული, რაც ჯგუფ "სოსიეტე ჟენერალის" გააზრებული გადანაწილების პოტენციალისა და ადგილობრივი ფინანსური ინსტიტუტის მაღალი მიღწევების შესაბამისად იზრდება. ჩვენ ვამყარებთ მუდმივ კავშირს კლიენტთან და ვაძლევთ მას განვითარების და საკუთარი მიზნების მიღწევის საშუალებად. ბანკ "რესპუბლიკის" ჯგუფ "სოსიეტე ჟენერალში" გაერთიანების შედეგად ორგანიზაციაში დაინერგა რისკის მართვის მექანიზმები. კლიენტების ნდობის მოპოვება, მათი ბიზნესის უფრო მეტად მოზიდვა მთლიანად ჩვენს პროფესიონალიზმზეა დამოკიდებული.

ბანკის მისია[რედაქტირება]

საქართველოში უნივერსალური საბანკო მომსახურების დამკვიდრება. კლიენტთა კმაყოფილების დონის ამაღლება და აქციონერებს დამატებითი ღირებულებებით უზრუნველყოფა.

ბანკის ხედვა[რედაქტირება]

ერთ–ერთი საუკეთესო, ყველაზე სანდო და აღიარებული ბანკი, რომელიც თითოეულ მომხმარებელს სთავაზობს მრავალფეროვან მომსახურებას და მაღალი ხარისხის საბანკო პროდუქტს.

ბანკის მიზანი[რედაქტირება]

მაღალი ხარისხის საბანკო პროდუქტების წარმოება და გრძელვადიანი მომსახურება; მჭიდრო ურთიერთობის დამყარება ჯგუფ "სოსიეტე ჟენერალთან" და მნიშვნელოვანი ქმედებების გატარება საქართველოს საბანკო ბაზარზე უფრო მასშტაბური ადგილის მოსაპოვებლად.

ბანკის ღირებულებები[რედაქტირება]

ბანკი თავის საქმიანობაში 3 ძირითად ღირებულებას ეყრდნობა:

  • პროფესიონალიზმი: ჩვენი კლიენტები გვენდობიან ჩვენ და ჩვენს პროფესიონალიზმს. ჩვენ ყოველდღიურად ვაღრმავებთ მათ ნდობას ჩვენი ცოდნისა და გამოცდილების ზრდითა და გაზიარებით.
  • გუნდური სულისკვეთება: მზად ვართ, ვისწავლოთ და დავხვეწოთ ჩვენი პროფესიონალიზმი კოლეგების განსხვავებული მოსაზრებების გათვალისწინებით. ჩვენს გუნდს აძლიერებს ჯგუფის წევრების მრავალმხრივი ტალანტი და საერთაშორისო კულტურა.
  • ინოვაცია: ცვლილებათა გათვალისწინებით, ჩვენ ყოველდღიურად ვაფართოებთ ჩვენს შესაძლებლობებს. ჩვენ ვიცით, რომელ ინოვაციურ პროდუქტსა და მომსახურებას ელის ჩვენი მომხმარებელი.

აქციონერები[რედაქტირება]

2012 წლის მონაცემებით, ბანკის აქციონერები არიან:

  • "სოსიეტე ჟენერალი" – 84.04%
  • ევროპის რეკონსტრუქციისა და განვითარების ბანკი - 8.48%
  • ლაშა პაპაშვილი - 7.48%

სამეთვალყურეო საბჭო[4][რედაქტირება]

ბანკ “რესპუბლიკაში” მართვა დირექტორთა საბჭოსა და სამეთვალყურეო საბჭოს შორისაა განაწილებული. სამეთვალყურეო საბჭო იღებს ძირითად გადაწყვეტილებებს და ამტკიცებს სტრატეგიულ დოკუმენტებს. ბანკის კორპორაციული სტრატეგია, მნიშვნელოვანი სამოქმედო გეგმები, რისკის მართვის პოლიტიკა, წლიური ანგარიში და ბიზნესგეგმები მტკიცდება სამეთვალყურეო საბჭოს მიერ. იგი ახორციელებს ზედამხედველობას კაპიტალდანახარჯებზე, შესყიდვებსა და აქტივების გაყიდვით კაპიტალდაბანდებების ამოღებაზე. სამეთვალყურეო საბჭო მონიტორინგს უწევს საზოგადოების მართვის ეფექტიანობას, ასევე, კანონმდებლობითა და შიგა ნორმატიული აქტებით განსაზღვრული თანამდებობის პირების დანიშვნასა და მათ საქმიანობას. საბჭო ამოწმებს დირექტორების საქმიანობას და საბუღალტრო წიგნებს.

ბანკ "რესპუბლიკის" სამეთვალყურეო საბჭო 5 წევრისაგან შედგება:

მარტინ ზაიმოვი[რედაქტირება]

სამეთვალყურეო საბჭოს თავმჯდომარე[რედაქტირება]

მარტინ ზაიმოვი ცნობილი ბულგარელი ფინანსისტია. იგი იყო ბულგარეთის ეროვნული ბანკის საბჭოს წევრი და ვიცეპრეზიდენტი. ამჟამად ბულგარეთის „სოსიეტე ჟენერალ ექსპრესბანკის“ სამეთვალყურეო საბჭოს, აუდიტს და რისკებისა და ანაზღაურების კომისიას ხელმძღვანელობს. მარტინ ზაიმოვს დამთავრებული აქვს ჰარვარდის უნივერსიტეტი გლობალური ფინანსური კრიზისისა და რეფორმების განხრით. მას ასევე მინიჭებული აქვს სტენფორდის ბიზნესის ფაკულტეტისა და ლონდონის ეკონომიკის სკოლის აკადემიური ხარისხები.

დიდიე კოლინი[რედაქტირება]

თავმჯდომარის მოადგილე[რედაქტირება]

“სოსიეტე ჟენერალში“ 1990 წლიდან მუშაობს, ამჟამად საერთაშორისო საცალო საბანკო ოპერაციების დეპარტამენტის ცენტრალური და სამხრეთ ევროპის რეგიონის განყოფილებას ხელმძღვანელობს. სხვადასხვა დროს ბატონ კოლინს „სოსიეტე ჟენერალის“ კანადის, აშშ–ის და საფრანგეთის ოფისებში მენეჯერული პოზიციები ეკავა. "სოსიეტე ჟენერალის" საფრანგეთის ქსელში 1985 წლიდან მუშაობს. ამჟამად ის ევროპის მასშტაბით ქსელის საერთაშორისო საცალო საბანკო მომსახურებას მართავს. იგი პარიზიდან აკონტროლებს და ავითარებს "სოსიეტე ჟენერალის" ფილიალებს ალბანეთში, ბულგარეთში, ხორვატიაში, სლოვენიაში, საქართველოში, საბერძნეთში, სერბეთში, მონტენეგროში, ჩეხეთის რესპუბლიკაში, სლოვაკეთში, რუმინეთში, რუსეთში, მოლდოვის რესპუბლიკასა და მაკედონიის რესპუბლიკაში.

მარი ლე პიკარი[რედაქტირება]

ჯგუფ „სოსიეტე ჟენერალში“ 2002 წლიდან მუშაობს. 2011 წლიდან დღემდე ცენტრალური და სამხრეთ ევროპის რეგიონის ფილიალების ზედამხედველობის სამსახურის კოორდინატორია.

დევიდ ფორმანეკი[რედაქტირება]

აღმასრულებელი დირექტორი ადამიანური რესურსების მიმართულებით („კომერჩნი ბანკა“). ბატონი ფორმანეკი „სოსიეტე ჟენერალში“ 2001 წლიდან მუშაობს.

თამარ ქაქუჩაია[რედაქტირება]

ევროპის რეკონსტრუქციისა და განვითარების ბანკში 2004 წლიდან მუშაობს. ამჟამად იგი საფინანსო ინსტიტუტების დეპარტამენტის უფროსი ბანკირია.

ისტორია[რედაქტირება]

1995-1996 წლებში ბანკმა შემოიერთა კომერციული ბანკები "უნივერსიტეტბანკი" და "ენგური", რამაც განაპირობა აქტივებითა და კადრებით მისი გაძლიერება. გაიხსნა დელისისა და სამტრედიის ფილიალები. 1996 წელს ჩატარდა პირველი საერთაშორისო აუდიტორული შემოწმება აუდიტორული კომპანია KPMG-ს მიერ.

1997 წელს ბანკი "რესპუბლიკა" გაწევრიანდა და ჩაერთო Western Union-ის საერთაშორისო ქსელში, შეიძინა SWIFT-ის აქციები და ჩაერთო მის საგადამხდელო სისტემაში.

1998 წელს მსოფლიოს, ძირითადად კი აღმოსავლეთის ბაზარზე არსებულმა კრიზისმა გავლენა მოახდინა რუსეთის ეკონომიკურ კონიუნქტურაზე. ამ ფაქტორმა იმოქმედა საქართველოს ეკონომიკაზეც. წარმატებული ბანკების ერთი ნაწილი ლიკვიდურობის პრობლემის წინაშე დადგა, მათი კლიენტები კი ბაზარზე შემორჩენილ ბანკებს შორის გადანაწილდნენ. სტაბილურობა, თავისუფალი ფულადი სახსრები, სწრაფი და მაღალი ხარისხის მომსახურება - აი, ის კრიტერიუმები, რითაც ბანკმა "რესპუბლიკამ" მიიზიდა კლიენტები და სერიოზული კონკურენცია გაუწია ბაზარზე არსებულ მოწინავე ბანკებს. ექსპლუატაციაში შევიდა ბანკის ახალი შენობა, რომელიც თავისი დიზაინით, ტექნიკური და საკომუნიკაციო აღჭურვილობით საერთაშორისო სტანდარტებს შეესაბამებოდა.

1999 წელს ბანკმა მონაწილეობა მიიღო მსოფლიო ბანკის სოფლის მეურნეობის განვითარების პროექტში. პროგრამის ფარგლებში გაცემულ იქნა 2 მლნ აშშ დოლარის ოდენობის საკრედიტო რესურსი.

2000-2001 წლებში გაფართოვდა და განვითარდა საბანკო ობიექტების ქსელი, გაიხსნა გლდანისა და სადგურის ფილიალები, რომლებიც ემსახურება როგორც იურიდიულ, ასევე ფიზიკურ პირებს, დაინერგა მომსახურების ერთიანი სტანდარტი. 2000 წელს ამოქმედდა საქართველოში პირველი სადღეღამისო სერვისცენტრი.

2001 წელს ბანკი გაწევრიანდა VISA International-ის საერთაშორისო სისტემაში, დაინერგა ბუღალტრული აღრიცხვის საერთაშორისო სტანდარტები.

2002 წელს მნიშვნელოვანი ნაბიჯები გადაიდგა ბანკის ფინანსური ტექნოლოგიების განვითარებისთვის, ამუშავდა კლიენტებთან ავტომატურ რეჟიმში სამუშაო პროგრამები, შემუშავდა რისკის მართვის სისტემები. კლიენტთა მომსახურების გასაუმჯობესებლად გაიხსნა ახალი სერვისცენტრები.

2003 წელს ბანკი განსაკუთრებულ ყურადღებას უთმობდა თანამედროვე ტექნოლოგიური პროდუქტების დანერგვას და მათი რეალიზაციის ხელშეწყობას. ამავე წელს დაიწყო ბანკ "რესპუბლიკის" ახალი სათავო შენობის, ასევე ფალიაშვილის ქუჩაზე და დიღმის მასივში ახალი სერვისცენტრების მშენებლობა.

2004 წელს ბანკის მუშაობა კვლავ მიმართული იყო საქმიანობის უნივერსალიზაციისკენ. წმინდა მოგების მაჩვენებლის შეფარდებამ საწესდებო კაპიტალთან და აქტივებთან 2004 წელს უმაღლესი შედეგი აჩვენა. ბანკმა შეინარჩუნა განვითარების ტრადიციად ქცეული მაღალი ზრდის ტემპები, საბაზრო პოზიციების განმტკიცება, კლიენტები და ქვეყნის ერთ-ერთი წამყვანი საფინანსო ინსტიტუტის საიმედო იმიჯი.

2005 წლიდან ბანკმა "რესპუბლიკამ" თანამშრომლობა წამოიწყო საერთაშორისო კომერციულ ბანკ "Commerzbank"-თან. პირველად ამიერკავკასიაში "Commerzbank"-მა 4 მლნ დოლარის საკრედიტო ხაზი გამოყო ბანკ "რესპუბლიკისათვის". ამ თანამშრომლობის საფუძველი გახდა KFW-ს (გერმანიის განვითარების ბანკი) საგარანტიო ფონდის პროექტი. KFW-სა და "Commerzbank"-თან თანამშრომლობით ბანკმა "რესპუბლიკამ" მნიშვნელოვანი ნაბიჯი გადადგა წინ და ქართული საბანკო ინდუსტრია ახალ საფეხურზე გადაიყვანა. 2005 წელი ბანკ "რესპუბლიკისათვის" აღსანიშნავია ფილიალთა ქსელის გაფართოებით. ბანკის მრავალრიცხოვან სერვისცენტრებსა და ფილიალებს ქ. ზუგდიდის ფილიალიც დაემატა, რომელიც მომხმარებელს ტრადიციულად მაღალ ხარისხსა და მრავალფეროვან მომსახურებას სთავაზობს.

2011 წლის ბოლოს ბანკმა რესპუბლიკამ შეიერთა ბანკ "HSBC საქართველოს" საცალო პორტფელი მას შემდეგ, რაც აღნიშნულმა ბანკმა დატოვა საქართველოს ბაზარი[5].

დღესდღეობით ბანკი "რესპუბლიკა" არის საბანკო ინსტიტუტი, რომელიც კლიენტებს სთავაზობს საბანკო-საფინანსო პროდუქტების ფართო არჩევანს კონკურენტული პირობებითა და პერსონიფიცირებული მომსახურებით.

სოციალური პასუხისმგებლობა[რედაქტირება]

კორპორაციული სოციალური პასუხისმგებლობა ბანკირების ცხოვრების წესია და მათ ყოველდღიურ საქმიანობაში აისახება; ჩვენ ვნერგავთ კორპორაციული სოციალური პასუხისმგებლობის პრინციპებს მდგრადი განვითარების უზრუნველსაყოფად და მიგვაჩნია, რომ კორპორაციული პასუხისმგებლობის პრინციპებისადმი ერთგულება აუცილებელ პირობას წარმოადგენს აქციონერებისთვის ღირებულების შესაქმნელად და შესანარჩუნებლად. კორპორაციული სოციალური პასუხისმგებლობა ბიზნესის იმგვარ მართვას გულისხმობს, როდესაც ზეგავლენა საზოგადოებაზე დადებითია, აქციონერების ნდობა და კეთილგანწყობა კი – გარანტირებული.

კულტურის დონე და სოციალური კეთილდღეობა საქართველოში პირდაპირ უკავშირდება კერძო სექტორის მიერ ზემოთ აღნიშნული პოლიტიკის პრინციპების სათანადო შესრულებას. ბანკმა "რესპუბლიკამ" უკვე შეიმუშავა მომავალი წლების სოციალური პოლიტიკის კონცეფცია და მისი ყველა სოციალური და საქველმოქმედო პროგრამა ბანკის გრძელვადიანი კორპორაციული სტრატეგიის მიხედვით ხორციელდება.

ზრუნავს რა საკუთარ იმიჯსა და რეპუტაციაზე, კორპორაციული პასუხისმგებლობის პრინციპებისადმი ერთგულება ბანკ "რესპუბლიკისთვის" სტრატეგიული მნიშვნელობის საკითხად რჩება. ბანკი აცნობიერებს საკუთარ სოციალურ პასუხისმგებლობას და გეგმავს შესაბამისი ღონისძიებების გატარებას, შემდეგ კი მათ შესახებ საზოგადოებისთვის, კლიენტებისთვის, აქციონერებისთვის და ა.შ. ინფორმაციის მიწოდებას. ბანკის მიზანია, აუხსნას თანამშრომლებს კორპორაციული სოციალური პასუხისმგებლობის მნიშვნელობა, მისი როლი და მიზნები სპეციალური პრეზენტაციების, წერილების, ვებგვერდის, ინტრანეტის და კორპორაციული ჟურნალის საშუალებით.

ანგარიშგება[რედაქტირება]

ბანკი რესპუბლიკა ყოველწლიურად, საჯაროდ აქვეყნებს წლიურ ანგარიშს და აუდიტის დასკვნებს. უახლესი კონსოლიდირებული ფინანსური ანგარიშგება დათარიღებულია 2011 წლის 31 დეკემბრით დასრულებული წლისათვის[6].

პარტნიორები[რედაქტირება]

ბანკი რესპუბლიკა თანამშრომლობს შემდეგ საერთაშორისო ფინანსურ ორგანიზაციებთან:

ევროპის რეკონსტრუქციის და განვითარების ბანკი (EBRD)[რედაქტირება]

ევროპის რეკონსტრუქციის და განვითარების ბანკი (EBRD), როგორც ბანკ „რესპუბლიკის“ აქციონერი (10%), 2006 წლიდან ყოველთვის მნიშვნელოვნად მონაწილეობდა ბანკის განვითარებაში. წლების განმავლობაში ევროპის რეკონსტრუქციის და განვითარების ბანკი (EBRD) სხვადასხვა დანიშნულების საკრედიტო ხაზებს აწვდიდა ბანკ „რესპუბლიკას“ (სუბორდინირებული ვალის ჩათვლით) და ახორციელდებდა ტექნიკური დახმარების რამდენიმე პროექტს ბანკის ფუნქციონირების გასაუმჯობესებლად სხვადასხვა მიმართულებით.

2010 წლის განმავლობაში ბანკ „რესპუბლიკას“ არ მოუწერია ხელი რაიმე ახალ საკრედიტო ხაზზე ევროპის რეკონსტრუქციის და განვითარების ბანკთან (EBRD), თუმცა, ბანკ „რესპუბლიკის“ ძველმა პარტნიორმა საანგარიშო წლის ივლისის თვეში მონაწილეობა მიიღო ბანკის კაპიტალის ზრდაში.

საერთაშორისო საფინანსო კორპორაცია (IFC)[რედაქტირება]

საერთაშორისო საფინანსო კორპორაცია (IFC) ბანკ „რესპუბლიკასთან“ 2005 წლიდან თანამშრომლობს, რაც ბანკმა მონაწილეობა მიიღო საერთაშორისო საფინანსო კორპორაციის (IFC) საკონსულტაციო პროექტში კორპორაციული მართვის საუკეთესო პრაქტიკის დანერგვის მიზნით. მას შემდეგ წლების განმავლობაში საერთაშორისო საფინანსო კორპორაციამ (IFC) ბანკს რამდენიმე საკრედიტო ხაზი (42 მილიონი აშშ დოლარის მთლიანი მოცულობით) გამოუყო, რომლებიც გამოყენებულ იქნა საქმიანობის სხვადასხვა მიმართულებების დასაფინანსებლად: იპოთეკური სესხები, მცირე და საშუალო საწარმოების დაფინანსება, სტუდენტური სესხები და ასევე სუბორდინირებული ვალი (2008), რამაც მნიშვნელოვნად გააძლიერა ბანკის მეორადი კაპიტალი.

2010 წლის ივნისში ხელმოწერილ იქნა ერთი ახალი საკრედიტო ხაზის ხელშეკრულება საერთაშორისო საფინანსო კორპორაციასთან (IFC) 20 მილიონი აშშ დოლარის მოცულობით. აღნიშნული 5-წლიანი საკრედიტო რესურსის დანიშნულებაა საქართველოში მცირე და საშუალო ბიზნესის და ენერგოეფეტურობის ქვეპროექტების დაფინანსება.

ევროპის საინვესტიციო ბანკი (EIB)[რედაქტირება]

2010 წელს დაიწყო ბანკ „რესპუბლიკის“ და ევროპის საინვესტიციო ბანკის (EIB) თანამშრომლობა. დეკემბერში EIB-მა ბანკს 46 მილიონი აშშ დოლარის საკრედიტო ხაზი გამოუყო, რომლის მიზანი, უპირველესად, მცირე და საშუალო სიდიდის კომპანიების მხარდაჭერაა. ეს რესურსი გამოყენებულ იქნება ბანკის შესაბამისი პორტფელის ზრდის დასაფინანსებლად 2011 და 2012 წლების განმავლობაში. ბანკ „რესპუბლიკისთვის“ საკრედიტო ხაზი ამ ტიპის დაფინანსებისთვის უპრეცედენტოდ გრძელი ვადით (10 ან 15 წელი, ტრანშის მიხედვით) გამოირჩევა და უდავოდ გააუმჯობესებს ბანკის უნარს, შესთავაზოს გრძელვადიანი დაფინანსება მცირე და საშუალო სიდიდის კორპორაციულ კლიენტებს.

უნდა აღინიშნოს, რომ ეს პროექტი იყო არა მარტო პირველი გარიგება ბანკ „რესპუბლიკასა“ და ევროპის საინვესტიციო ბანკს შორის, არამედ პირველი სესხი საქართველოში არსებულ კომერციულ ბანკზე.

გერმანიის განვითარებისა და რეკონსტრუქციის საკრედიტო ბანკი (KFW)[რედაქტირება]

KFW პირველი საერთაშორისო ორგანიზაციაა, რომელმაც დაამყარა ურთიერთობა ბანკ „რესპუბლიკასთან“ (2004 წ.). ამ დროს გერმანულმა CommerzBank-მა ბანკ „რესპუბლიკას“ KFW -ს გარანტიით გამოუყო სესხი „საკრედიტო საგარანტიო თანხის“ ფარგლებში. გარდა ამისა, ბანკს გაეწია მნიშვნელოვანი დახმარება მცირე და საშუალო ბიზნესის დაფინანსებისა და საცალო საბანკო საქმიანობის გაუმჯობესების მიმართულებით.

წყაროები[რედაქტირება]

  1. "ბანკი რესპუბლიკას" ფილიალების სია
  2. "გაზეთი რეზონანსი"
  3. ბანკი რესპუბლიკის კომერციული დირექტორის ინტერვიუ ჟურნალ Financial-ში
  4. ბანკი რესპუბლიკა, ოფიციალური ვებსაიტი
  5. http://www.polity.ge/
  6. 2011 წლის კონსოლიდირებული ფინანსური ანგარიში