ბაიბაკი

ბაიბაკი (Marmota bobac) — ძუძუმწოვარი ცხოველი მღრღნელების რიგისა. სხეულის სიგრძე 60 სმ-მდე აღწევს, დაფარულია ხშირი, რბილი ბეწვით. დღის ცხოველია. სოროში 2-10 ბაიბაკი ცხოვრობს. აქვე ეძლევიან ისინი ზამთრის ძილს. შობენ 2-7 შიშველ, თვალაუხილავ ნაშიერს. ბაიბაკი წინათ ფართოდ იყო გავრცელებული უნგრეთის სტეპებიდან ირტიშამდე (ყირიმისა და წინაკავკასიის გამოკლებით). სტეპების გადახვნისა და ბაიბაკის ინტენსიური რეწვის გამო მათი რაოდენობა მკვეთრად შემცირდა.

ლიტერატურა

• ქსე, ტ. 2, გვ. 153, თბ., 1977